[A:425]bla ma dam pa rnams la phyag 'tshal lo//
dpal ldan e waM dbyer med zung 'jug sku//
bde stong longs spyod rdzogs pa'i gsung dbyangs kyis//
thugs kyi gsang ba bsam gyis mi khyab par//
'khrid mdzad bla ma rnams kyis 'dir skyongs shig//
sngon gangs can gyi ljongs 'dir rdo rje 'chang chen po nas brgyud pa'i rim pa bar ma chad cing/ lhad ma zhugs pa'i gdam ngag khyad par du 'phags pa mang po zhig byon zhing/ 'grib pa mi mnga' bar bzhugs pa du ma dag las kyang/ rnal 'byor gyi dbang phyug 'bir wa pa la rdo rje bdag med mas dngos su gdams pa'i gzhung/ lam 'bras gsung mdo zhes yongs su grags pa 'di'i sgo nas/ gdul bya lam la 'khrid tshul 'di kho na khyad par du 'phags pa yin te/ 'di ni skal ldan cig char ba'i rigs can lta ci smos/ sngar sangs rgyas kyi bstan pa la 'jug ye ma myong ba'i gang zag skal ba dman pa'i rigs can zhig kyang/ spyod pa rim can la slob pa dang/ lta ba rim can la sbyangs pa mthar phyin gyi sgo nas 'jug pa'i tshul dang/ don de dag kyang chal chol dang lhod yangs su song ba ma yin par/ snyan brgyud bzhi dang/ tshad ma bzhi'i rgya dam pos btab nas/ gzhi dam tshig dang sdom pa la legs par gnas pa'i steng du/ lam rim pa gnyis la thun bzhi'i rnal 'byor