[B:8a]/ /
mkha' las mandar ba'i char chen dang / /
bar snang 'chi med rol mos gang ba sogs/ /
ngo mtshar bsam mi khyab pa'i cho 'phrul bstan/ /
bltams ma thag nas 'jig rten skyong ba sogs/ /
khams gsum pa yi phyag bya'i 'os su gyur/ /
[A:20]mchog gi sprul sku rtsod med grags pa'i brda/ /
lha yul sa steng ma lus khyab par bsgrags/ /
dpal ldan bla ma dam pa'i rnam par thar pa ngo mtshar rin po che'i gter mdzod las zhing 'dir sku bltams pa'i tshul gyis skabs te gnyis pa'o/ / / /
CHAPTER 3: Early Youth; A: pp. 20-22; B: ff. 8a3-8b7; C: pp. 14-17
gsum pa gzhon nu rol rtsed kyi dus gzhan las khyad par 'phags pa'i tshul ni/
kun tu sa gsum 'gro mang dga' ba'i lha/ /
rnam gsal mtshan dpe'i skye mched rdzogs pa'i sku/ /
rgyal sras thu bo bag yod mdzad pa'i gter/ /
dpal ldan ngang tshul bzang po rgyal gyur cig/
thos bsam lhur mdzad mkhas pa'i gtsug rgyan du/ /
gyur nas rnam thar mdzad pa lta ci smos/ /
sar pa sar pa gzhon nu'i rol rtsed kyang / /
chos las gzhan pa'i gnas skabs ma mchis so/ /
bdag cag gi bla ma dam pa tshul gzhan las khyad par du 'phags pa 'di nyid kyis yongs su rdzogs pa'i bstan pa'i khur bzhes pa'i mdzad pa rnams blo'i yul las gzhar yang 'das pa yin mod/ de bas rol rtsed kyi gnas skabs su'ang gzhon nur gyur pa gzhan dag rnams rang rang gi rigs dang mthun pa'i kun spyod 'phong rtse ba sogs kyi rtsed 'jos [A:21]'da' ba las/ dam pa 'di ni de dag gi rjes su mi 'jug par ji ltar 'os pa'i khri chen po mdzad de de la 'dug nas/ gzhon nu rnams bsdus te spyir chos 'chad pa'i tshul dang / khyad par snag tsha'i bum pa rnams su rtswa phra mo bcug ste 'thor ba sogs dbang bskur ba'i tshul mdzad pa dang / yang na bza' cung legs pa rnams mnabs te/ rol rtsed pa rnams dang lhan du gar 'chams kyi rnam pa mdzad/ yang la lar