R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:11b]bsrung bya phra zhing phra ba'i gnas la'ang bag dang ldan par mdzad pas/ dge legs thams cad kyi gzhi lhag pa'i
tshul khrims kyi bslab pa [A:31]rin po che'i nor gyis yongs su phyug pa'i dul ba'i glang chen/ mtha' yas pa'i gdul bya'i nyon mongs pa'i tsha gdung sel bar mdzad pa'i tshul khrims kyi dri gtsang sku lus las 'dom drug tshun chad du khyab pa sogs kyi sku btsun pa'i mthar thug pa ngur smrig 'dzin pa rnams kyi gtsug gi rgyan dang / lha dang bcas pa'i 'jig rten thams cad kyi yon gnas gcig pur gyur la/ de'i tshemkhan po nyid kyi zhal snga nas kyang / shes bya kun rigshes bya kun rig thams cad mkhyen/ dga' chen he ru ka yi dngos/ ces sogs da lta dad ldan rnams kha ton du byed pa'i bstod pa sho lo ka gcig pu 'di nyid kyis ched du brjod de legs par bstod cing bsngags par mdzad do/ /de la 'di skad ces smra ste/tshe srog mi rtag sbrul gyi lce ltar g.yo/ /dpal 'byor dar rgud chu bo'i skye 'bri bzhin/ /snyan grags brag cha dang mtshungs srid pa'i bde/ /e raNDa yi ljon shing ltar gzigs pas/ /nges 'byung ga bur gru char gyis brlan pa'i/ /bslab gsum ha ri tsan dan rgyas pa'i nags/ /tshul khrims ma la ya yi dri bsung gis/ /srid pa'i gdung skyob grib bsil gcig pur gyur/ /sdom brtson nyi ma gsar pa'i thig le ni/ /ngur smrig thun mtshams sprin gyi bla re dang / /[A:32]bslab gzhi bye ba'i zer phreng lda ldi can/ /chos 'dul padma'i tshal bzang bzhad pa'i gnyen/ /srid lam dub la tsan dan grib bsil ltung la lag pa'i 'chel sa gcig/ /
log lam 'phyan la thar pa'i shing rta 'dod pa'i rims la grib pa'i sman/ /
rmongs pa'i mun par snang ba mtshungs med bkren chen rnams la bdud rtsi'i zas/ /
kye ho 'khor ba'i nags nang stong par tshul khrims dang mtshungs rtsa lag sutu/ /dpal ldan bla ma dam pa'i rnam par thar pa ngo mtshar rin po che'i gter mdzod las/ bstan pa la zhugs shing tshul khrims kyi nor