R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:14b]shing dbang bzhi'i mngon par rtogs pas thugs rgyud phyug pa/ lhag pa'i lha du mas dngos su rjes su bzung zhing byin gyis brlabs pa/ rdo rje chos skyong ba'i srung ma rnams kyi phrin las 'khul bas bran bzhin bka' bsgrub pa ste/ mdor na thun mong dang thun mong ma yin pa'i yon tan rin po che'i rgyan dang / rdo rje slob dpon du 'os pa'i mtshan nyid ma lus shing lus pa med pa tshang bas/ snyigs ma'i dus 'dir rgyal ba rdo [A:41]rje 'chang gi ye shes chen po'i sgyu 'phrul gyi bkod pa tha mal gyi gzugs su bstan pa de nyid kyi drung du/
dpal ldan sa skya pa'i bka' lung dri ma med pa rnams gsan pa ni/
dpal kye rdo rje la bka' srol bsam gyis mi khyab cing / khyad par rje btsun sa skya pa la bka' srol drug tsam babs pa las/ deng sang dngos su bzhugs pa grags che ba'i bka' srol chen po bzhi'i mchog tu gyur pa kye rdo rje'i man ngag dang mthun pa'i biRWa pa'i lugs kyi rdul tshon gyi dkyil 'khor du dbang bzhi rdzogs par gsan/ de nas kye rdo rje Dombi he ru ka'i lugs kyi dbang / kye rdo rje bshad rgyud rdo rje gur nas gsungs pa'i rigs bsdus pa mkha' 'gro lnga'i dbang / kye rdo rje nas gling ma'i dbang / kye rdo rje nag po pa'i dbang / de dag gi yum ka bdag med lha mo bco lnga'i dbang dang de'i byin rlabs/ de dag gi yig cha tshang ma'i lung /Lamdre Volume acc. to Grags pa rgyal mtshan's catalogue, the pod ser?gsung ngag rin po che lam 'bras bu dang bcas pa'i cha lag yongs su rdzogs palam 'bras glegs bam rje btsun rin po che'i dkar chag lugs bzhin dang / der ma 'dus pa'i rje btsun gong ma gsum/ bdag nyid chen po/ 'phags pa rin po che/ rje bla ma[A:42]theg chen chos kyi rgyal po rnams kyi yig cha tshang ma lam skor phyi ma brgyad dang bcas pa/dpal dus kyi 'khor lo'i sku gsung thugs yongs su rdzogs pa'i rdul mtshon gyi dkyil 'khor du/ thun mong byis pa 'jug pa'i dbang bdun/