[A:342]la sras gsum yod pa'i sras che ba bya sa lha chen/
'dis bya sa'i lha khang bzhengs/
khri dar ma gcung por rab tu byung / khri dar ma la sras bzhi byung ba gtsug lde/ sras med/
khri gtsug jo bo rnal 'byor 'di 'ban tshigs su bzhugs/
jo bo smon lam mo/ /'di rab tu byung nas spu gu'i gzims khang dkar po brtsigs te bzhugs/
khri btsug gis byas dang dos sngon bzung / de'i sras khri btsan/ de'i sras sha kha khri/ de'i sras lha khri la sogs pa yar mda' ba rnams yin no/ /jo bo rnal 'byor la sras gsum byung ba che ba ja 'bag byung ba/ 'bring ba lha chen no/ /'dis spyil phu'i gdan sa mdzad/
chung ba lha ngam shod pa'o/ /'di rab tu byung nas sras med/
jo 'bag la sras lnga 'khrungs pa'i jo bo shAkya mgon po/ lha 'gro ba'i mgon po/ 'dis spyi la phu'i gdan sa mdzad pas gdul bya che|
lde po 'dis 'ban tshigs bzung /
lde chung 'di grongs sras med/
jo rgyal rnams so/ /'dis srid bzung /
lde po'i sras jo bo shAkya rgyal/ de'i sras jo bo shAkya dpal/ 'dis 'gro mgon 'phags pa'i drung du rab tu byung nas sras med/
jo rgyal gyi sras jo 'bar/ de'i sras gnyis pa'i che ba lha zur khang pa/ 'dis kyang spyil phu'i gdan sa mdzad/
chung ba khrom po ba rnams kyis dpon du gdan drangs te lha khrom po par grags/ jo bo shAkya mgon pos gcung po rnams tha thang du phog nas/ khong rang gi pho brang gnas chung btab/ mnga' thang dpal 'byor nam mkha' dang mnyam/ de'i sras jo bo shAkya bkra shis kyis pho brang rnying ma btab/ de la sras gnyis byung ba che ba lha brag kha pa/ chung ba mnga' bdag grags pa rin chen gyis 'gro mgon 'phags pa'i chag phyi la rgya yul du byon/ se chen rgyal po'i lung blangs nas pho brang brag kha la sogs pa'i pho brang mang du btab thams cad la dbang bsgyur/ mnga' thang dpal 'byor nam