[A:343]mkha' dang mnyam/ de la sras gsum 'khrungs pa'i che ba blo gros 'od/ gnyis pa mnga' bdag shAkya mgon po/
'dis spyil phu'i gdan sa mdzad/ shAkya mgon po rting ma yin pas/ dpal 'byor che/
chung ba lha btsun tshul khrims bzang po/ gdan sa thil du rab tu byung /
'di rnams nas bzung ste/ yar lung gi jo bo da lta yan la rim par byon pa 'di rnams bod rgyal po'i gdung brgyud zam ma chad pa yin pas rigs gzugs yon tan khyad par 'phags pa yin/ 'di dag ni zur tsam bsdus pa yin gyis/ yar lung jo bo rim par byon pa rnams kyi mdzad pa phrin las rgyas par 'dod na/ lha btsun tshul khrims bzang pos bsgrigs pa'i rgyal rabs la gzigs shig bod gangs can gyi ljongs 'dir sangs rgyas kyi bstan pa dar zhing rgyas pa'i lo rgyus dang / rgya dkar nag gi rgyal po dang / hor dang mi nyag gi rgyal rabs dang / khyad par du'ang bod kyi chos rgyal rim par byon pa rnams kyi rnam thar bsdus te zur tsam yin no/ /'di dag ni gzhan gyi kha rgyug dang rang gi blo tshod dang rnam rtog gis kun nas bslangs pa'i yid dpyod rnams spangs te/ sangs rgyas kyi bka' mdo rgyud dang / rgyal po'i bka' 'bum lha sa dang bsam yas kyi bka' gtsigs chen mo/ jo bo rje'i gter yig che chung / chos 'byung gi yi ge che chung / rgyal po bka'i thang yig hor gyi yig tshang / gzhan yang tshal pa la sogs pa'i sde dpon/ bstan bcos la mkhas pa'i gang zag rnams kyis bsgrigs pa'i rgyal rabs kyi yi ge mang po bsags nas/ re re bzhin zhib mor bltas/ yin min gyi the tshom rnams bsal/ snang eds: (gna' )skad dang / brda skad go dka' ba rnams bcos te gsal bar byas/ snyan ngag dang sdeb sbyor gyi rgyan gyis ma bsgrigs