[A:49]gnyis kyi tshad mnyam pa'o/ /phyi rol gyi 'dab ma re re la grong 'bum phrag re res brgyan pa'i yul 'khor brgya phrag re re yod cing / yul chen po re re la dbang bsgyur pa'i rgyal po dgu bcu rtsa drug gis chos kyi 'khor los bsgyur pa'i rgyal po'i bka' nyan zhing 'dud par byed do/ /de ltar na 'dab ma rnams la grong bye ba phrag dgu bcu rtsa drug yod do/ /de rnams kyi mgon du gyur pa sprul pa'i chos kyi rgyal po nyi ma'i 'od dang zla bzang la sogs rim par byon no/ /yang 'phags yul gyi lho phyogs su sngon drang srong gis 'bras so ba'i char bab pas 'bras spungs su grags pa ni/ mtsho'i dbus su bri dha nya ka Ta ka ste 'bras spungs kyi mchod rten phyed mtsho nang du nub pa/ nang du dbus su dpag tshad drug dang rgyang grags gcig yod pa/ bum pa'i phyi rol gyi shar du khyab 'jug /lhor smin drug gi bu/ nub tu tshangs pa/ byang du dbang phyug gis gtsugs pa'i ka ba bdun bdun yod pas rgyu skar gyi dkyil 'khor/ mtsho de'i phyi rol tu ra ba rim pa gsum/ sgo gsum rim pa gsum/ de nas ston pas dus 'khor gsungs tshul la phun sum tshogs pa lnga ste/ dus tshogs pa ni/ ston pa shAkya sengge 'dzam bu gling du sangs rgya ba'i tshul bstan nas zla ba bcu gnyis song ba nag pa'i nya la'o/ /gnas phun sum tshogs pa dpal ldan 'bras spungs kyi mchod rten gyi nang du bde ba chen po'i gnas rdo rje dbyings kyi dkyil 'khor chen por rdo rje sengge'i khri la'o/ /ston pa phun sum tshogs pa ni/ shAkya thub pa dus kyi 'khor lo'i ting nge 'dzin la snyoms par bzhugs te 'og tu chos dbyings gsung dbang gi dkyil 'khor/ steng du dpal ldan rgyu skar gyi dkyil 'khor spros/ dkyil 'khor bkod pa'i 'khor sangs rgyas dang byang chub sems dpa'/ khro bo dang mkha' 'gro ma rnams kyis bskor ba'o/ /'khor phun sum tshogs pa ni/ shaM bha la'i rgyal po bgegs mthar byed kyi sprul pa nyi ma'i 'od dang / btsun mo rnam par rgyal ma'i sras phyag na rdo rje'i sprul pa zla