[A:50]ba bzang po sprul pa'i rgyal po dgu bcu rtsa drug gis bskor ba/ lha dang lha ma yin dang / mkha' 'gro dang mkha' 'gro ma la sogs pa'i 'khor dpag tu med pa dang bcas pa rdzu 'phrul gyis 'ongs te bcom ldan 'das la bskor ba dang / maNDal sngon du 'gro bas zhabs kyi padma la rin po che'i me tog gis mchod cing yang dang yang du phyag 'tshal ba'o/ /chos phun sum tshogs pa ni/ 'jig rten dang 'jig rten las 'das pa'i dngos grub sgrub pa'i don du/ dus kyi 'khor lo'i dbang rgyud man ngag sogs chos kyi 'khor lo rgya chen po bskor ro/ /gnyis pa ni/ rgyal po zla ba bzang pos shrI pa lar byon/ mchog gi dang po'i sangs rgyas rtsa ba'i rgyud stong phrag bcu gnyis pa bsdus shing glegs bam du bris/ de'i 'grel pa gnas pa'i skal ba dang ldan pa rnams la dbang bskur te rgyud dang man ngag legs par bstan pas de dag gis kyang nyan cing klags te rang gi sems la bzung nas gzhan dag la yang rgya cher rab tu bstan/ rgyud bstan pa'i lo gnyis pa la ka la pa'i lho phyogs ma la ya'i pa'i nang du rin po che sna lnga'i rang bzhin gyi dpal dus kyi 'khor lo'i sku gsung thugs sras sa'i snying po'i sprul pa lha dbang sengge'i khri la chos ston par bkos te/ longs spyod rdzogs pa'i sku de nyid du gshegs so/ /gsum pa ni/ sa dum bu bcu gnyis su bstan pa lo nyi khri chig stong drug brgya gnas shing / de la rdzogs ldan/ gsum ldan/ gnyis ldan rnams lnga stong bzhi brgya re re gsungs/ gling bcu gnyis re rer stong brgyad brgya re gnas par gsungs so/ /bzhi pa ni/ lha dbang