[A:94]pa rnams dang / rtogs ldan dar rgyal ba/ grub thob dbus pa/ bla ma mkha' spyod pa/ sgom khang pa chos kyi rgyal mtshan la sogs pa'i rnal 'byor gyi dbang phyug mang du byon no/ /de'i slob ma chos rje rin tshul ba ni/ yul tsha rag dbus sde'i khang gsar du/ yab dpon don yod bzang po dang yum byang chub ldan gyi sras su yos lo la 'khrungs/ mtshan gzhon nu bzang por btags/ bcu gsum pa la chu bzang dgon par mkhan chen rin chen sengge dang / slob dpon rin bsam pa las rab tu byung ste mtshan rin chen tshul khrims su btags/ lhun grub sgang du bla ma sengge dpal la gur brtag saM gsum gsan/ slob dpon pa las phar phyin byang bar bslabs/ bco brgyad pa la mkhan chen sangs rgyas gzhon nu ba/ las slob dar ma bzang po/ gsang ste ba rin bkras pas mdzad de bsnyen par rdzogs/ bu ston rin po che'i drung du phar mngon/ spyod 'jug /yo ga rab 'byams gsan/ de nas yar klung lhung mor chos dpal mgon po'i drung du dus 'khor gyi dbang dang sbyor drug gsan te bsgoms pas lus ngag gi nyams rdol/ myang stod du la stod pa dbang rgyal la sbyor drug rdzogs par gsan pas rtogs pa 'khrungs shing mngon shes dang ldan/ shangs su bla ma rin chen seng ba la lam 'bras gsan/ de nas bzang ldan du kun mkhyen chen po rgyud 'grel gsung ba'i drung du byon pas/ e waM gzungs sgrub gyi skabs su phebs/ de'i nyin rang nas bshad pa'i 'phro la zhugs chog pa byung / dbang rgyud bshad man ngag phran dang bcas pa yongs su rdzogs pa/ byams pa'i chos sde nyi shu sogs mang du gsan cing dpyis phyin par mkhyen/ lo tsA ba blo gros dpal ba la sems 'grel gnyis sogs mang du gsan/ der gcig shes kun grol gyi gnad go bas/ 'jam gsar ba'i gsung las/ da ni rdzogs pa'i sangs rgyas byon gyur kyang / myur du sangs rgya ba'i lam ni zhu bsam med/ gsung ba bden