[A:554] དེ་ཉིད་ཀྱི་སློབ་མ། སློབ་དཔོན་ཟླ་བའི་འོད་ཀྱིས་མཛད་པའི་ལེའུ་བཅོ་བརྒྱད་པའི་འགྲེལ་པ་སྟེ་རྒྱན་ཞེས་བྱ་བར་གྲགས་པ་དང༌། སློབ་དཔོན་ཙེ་ལུ་པས་མཛད་པའི་འགྲེལ་པ་རིན་པོ་ཆེའི་ལྗོན་ཤྀང་ཞེས་བྱ་བ། ཡེ་ཤེས་ཞབས་ཀྱི་རྗེས་སུ་འབྲང་བ་སྤྱིའི་དཀྱིལ་འཁོར་གྱི་ཆོ་ག་ཞེས་བྱ་བ་དང༌།
སྒྲུབ་པའི་ཐབས་ཀུན་ཏུ་བཟང་པོའི་འགྲེལ་པ་སློབ་དཔོན་ཐ་ག་ནས་མཛད་པ་དང༌། །གསང་བ་འདུས་པའི་སྒྲུབ་པའི་ཐབས་སློབ་དཔོན་སྨན་པའི་ཞབས་ཀྱིས་མཛད་པ་དངོས་གྲུབ་འབྱུང་བ་ཞེས་བྱ་བ་རྣམས་ཐོས་སོ།། །།བླ་མ་རྗེ་བཙུན་ཟ་ལུང་གི་དགེ་བཤེས་སྡེ། སློབ་དཔོན་ ཁམས་པ་ལས་བརྒྱུད་ནས། སློབ་དཔོན་སངས་རྒྱ་འབུམ་ལས་བརྟག་གཉིས་ཀྱི་འགྲེལ་པ། སློབ་དཔོན་མི་ཐུབ་ཟླ་བས་མཛད་པ་ཀུ་མུ་ཏི་ཐོས་ལ་སྔོན་བླ་མ་ཆོས་རྗེ་ལས་ཀྱང་ཐོས་སོ།། །།སློབ་དཔོན་པདྨ་ཆུང་བ། ངག་གི་དབང་ཕྱུག་གྲགས་པ། དེ་ཝ་པ། ཀྵི་ཏི་གརྦྷ། ཁུ་ལོ་ཙཱ་བ། རོང་པ་མགར་དགེ་འགོས་སྟོན་ཁྲི་བཟང༌། སློབ་དཔོན་དབང་ཚུལ། མཁན་པོ་དབང་རིན། སློབ་དཔོན་ཁམས་པ་ནས་བརྒྱུད་ནས།
སློབ་དཔོན་སངས་རྒྱས་འབུམ་ལས་བརྟག་གཉིས་ཀྱི་འགྲེལ་པ་པདྨ་ཅན་ཐོས་སོ། ། སློབ་དཔོན་ཤཱནྟི་པ། ལོ་ཙཱ་བ་རིན་ཆེན་གྲགས་པ། འགུར་མོ་པ། གཙང་ནམ་མཁའ་སྟོན་པ་ཐུབ་པ། སློབ་དཔོན་དབང་རིན། སློབ་དཔོན་ཁམས་པ་ལས་བརྒྱུད་ནས། སློབ་དཔོན་སངས་རྒྱས་འབུམ་ལས་མུ་ཏིག་ཕྲེང་བ་ཐོས་སོ། །སློབ་དཔོན་ཤཱནྟི་པ། ལོ་ཙཱ་བ་རིན་ཆེན་གྲགས་པ། འགུར་མོ་བ། བྲམ་ཟེ་ནག་པོ་ཞབས། འགོས་ལོ་ཙཱ་བ། རྟ་ནག་པ་སྒོམ་ཐུབ། ཤབ་པ་དགེ་བྱང༌། ཞང་སྤང་ཁང་པ། འཁུན་སྟོན་གཞོན། སློབ་དཔོན་དབང་རིན། སློབ་དཔོན་བ་རི་བ་ལས་བརྒྱུད་ནས། སློབ་དཔོན་སངས་རྒྱས་འབུམ་ལས་རིན་པོ་ཆེའི་ཕྲེང་བ་ཐོས་སོ།། །།བླ་མ་འགོས་ལོ་ཙཱ་བ་ལས་བྱུང་