[B:444]'byung ba ltar bshad do/ / /gsum pa ni/ slob mas phyag dang maNDal sngon du 'gro bas gsol ba gdab/ slob dpon gyis srung 'khor bsgom/ gnyis kas rgyud kyi srung ma rnams la gtor ma 'bul/ skyabs 'gro sems bskyed rdo rje sems dpa'i bsgom bzlas dang / bla ma'i rnal 'byor rnams sngon du 'gro bas lhag pa'i lha'i bskyed rim gyi ngang la 'chad nyan bya'o/ / /lnga pa ni/ rgyud kyi don bshad pa dang / nyan pas rgyud don ji lta ba bzhin rtogs te/ de dag gi don bsgoms pas phyag rgya chen po mchog gi dngos grub thob par 'gyur te/ ye shes snying por/ man ngag thob pa las brtson 'grus chen po dang ldan pa yin na/ tshe 'di nyid la sangs rgyas gsungs/ rdo rje 'dzin pa thob par 'gyur ro/ / /zhes gsungs so/ / /de ltar bdag gis rgyud kyi byung tshul dang / / /brgyud pa'i rnam thar 'chad nyan bya tshul sogs/ / /sngon chad sa 'og gter bzhin gyur pa rnams/ / /yang dag lung gis brgyan nas rnam par sbyar/ / /rgyud dang de 'grel gong ma'i gsung rab las/ / /rnam mang lung gi chu rgyun drangs pa yi/ / /legs bshad ngo mtshar rgya mtsho che 'di la/ / /don gnyer ngang pa'i tshogs kun ci dgar rol/ / /'di bris dge ba bsil zer byed pa des/ / /mtha' yas 'gro ba'i ngan rtog pad mo'i tshal/ / /rab tu zum nas rnam dag gsung rab kyi/ / /'od dkar mkhas pa'i khrod du 'char bar shog / /ces pa 'di ni dus gsum gyi rgyal ba sras dang bcas pa thams cad kyi ngo bo sde snod gsum dang rgyud sde bzhi la sogs pa'i bde bar gshegs pa'i gsung rab dgongs