[B:420]oM swa sti siddhaM/ rgyud kyi rgyal po dpal kye rdo rje'i byung tshul dang / brgyud pa'i bla ma dam pa rnams kyi rnam par thar pa ngo mtshar rgya mtsho zhes bya ba/ bla ma dam pa'i zhabs la spyi bos gus par phyag 'tshal lo/ / /gang gi gsung gi nyin byed 'od zer gyis/ / /bdag blo'i snying gi mun pa kun bsal nas/ / /ma nor chos don dri med ston mdzad pa'i/ / /rtog med mtshan can dpal ldan bla mas skyong / / /rdo rje 'chang dbang gsung ngag bdud rtsi'i rgyun/ / /zhal nas snyan du brgyud pa'i man ngag gis/ / /rgyud don zab mo'i dgongs pa gsal mdzad pa/ / /sa skya'i bla chen rnams la bdag cag dad/ / /rgyud rnams kun gyi yang dag nges pa'i don/ / /gsang chen rnal 'byor gnyis su med pa'i rgyud/ / /rdo rje'i tshig gyur bdun brgya lnga bcu pa'i/ / /byung tshul brgyud pa'i rnam thar 'dir bshad bya/ / /'dir rdo rje theg pa'i byung tshul rnam par bzhag pa la/ spyi don gnyis pa theg pa chen po thun mong ma yin pa'i 'dod tshul gtan la dbab pa la gsum/ rdo rje theg pa spyi yi byung tshul/