[B:421]rgyud 'di nyid kyi byung tshul/ byung ba'i chos la 'chad nyan bya tshul lo/ / /dang po la sangs rgyas sangs rgyas pa'i dus nam yin pa sogs spyi rnam ltar ro/ / /gnyis pa la gsum/ ston pas gsung tshul/ sdud pa pos bsdus tshul/ de ji ltar 'phel ba'i tshul lo/ / /dang po la gnyis/ spyir ston pa chos kyi sku yis gsung tshul dang / bye brag tu longs sprul gnyis kyis gsung tshul lo/ / /dang po ni/ ston pa chos kyi sku'i bzhugs pa'i gnas ni/ dpyad par bya ba bden pa gnyis kyis bsdus pa'i chos thams cad la/ dpyod byed lhag mthong so sor rtog pa'i shes rab kyis dpyad nas/ dpyad pa'i chos sku nyid thams cad du snang zhing thim pa'i tshul gyis khyab par bzhugs te/ mdor na bzhugs par bya ba'i gnas bden pa gnyis kyi bsdus pa'i chos thams cad la'o/ / /bzhugs pa po ston pa ni bcom ldan 'das kye rdo rje thugs yang dag pa'i ye shes bsgrub bya'i rig pa chos