[A:ca 15a]/ /phrin las lhun grub nam rin dang//
dpal ldan bzang po dngos grub rnam gnyis dang/ /
'phrul chen yi ge'i sbyor ba mkhas rnams dang//
rkos kyi rig byed rtser son dpon mo che//
mgon po dpal sogs drug lhag bcu phrag gcig//
yongs su tshogs byas sa mo phag gi lo'i//
khyad dus lang tshotso mngon par gsal ba na//
par du bsgrubs shing zab mo nang don gyi//
rtsa ba'ang yi ge'i 'byung khungsbzang por byas//
dag byed sher phyin 'bum pa'i tshig don la//
legs byang dpal ldan rgyal mtshan zhes bya dang//
de dang mtshan 'thunmthun gnas brtan 'dul ba 'dzin//
bshes gnyen dam pa zung gis legs bsgrubs te//
las byed sangs rgyas rdo rje'i dpal sogs kyis//
bgrang yas yongs su 'phel ba'i gter sgo phye//
'di las rnam par dkar ba gang thob pa//
de yis 'grel bshad legs mdzad mtshungs med rje//
gang dang de nyid spel bar dgongs pa yi//
rtse mo gcig byung 'gro ba'i gtsug rgyan rnams//
sku tshe phrin las dar zhing rgyas pa dang//
chos tshul 'di yang ches cher legs 'phel te//
zab lam phyag rgya chen po legs rtogs shing//
gzhi lam 'bras bu'i lam gyi gnad rnams kun//
ma nor tshul bzhin sgom dang bshad pa dang//
yid la byed pas mtha' dag 'gro ba 'di//
bla med byang chub chen po mngon gyur shog//
phyogs 'dir 'bad bgyis rig byed rnams dang bya ba byed pa'i mi rnams kyang//
mi pham rgyal bas rjes su bzung nas rang gi snying po legs mthong gyur//
yangs pa'i sa 'dir 'khrug long med cing 'gro rnams gtsug lag rnam gnyis kyi// legs pa'i lam la nges par 'jug pas rnam pa kun du bde thob shog//
ye dharmA he tu pra bhA bA he tunteShAn ta thA ga to hya ba data/ te ShA nytsa yo ni ro dha e baM pA dI mahA shra ma NaH //