[A:59b]grags grags pa'i phreng bas kun khyab khyab bdag de yi zhabs/
/shugs drag rgyun mi 'chad pa'i dad pa yis/
/snying gi pad ma'i lte bar gus bsten pas/
/gsung rab de nyid mthong ba'i rigs smra des/
/rmad byung gtam gyi sbyor ba 'di byas so/
/legs bshad gter chen de yi gsung rab don/
/smra ba'i khyu mchog klu sgrub thogs med kyis/
/ji bzhin bkral ba'i tshul gnyis shing rta'i srol/
/de bzhin 'chad pa'ang 'di las gzhan na gang/
/rlabs chen spyod la ring nas zhugs pa yi/
/rgyal sras rig gnas kun la mkhas pas kyang/
/shin tu dpag dka' zab dang rgya che'i gnas/
/ji bzhin rnyed nas tshul bzhin 'dris byas pas/
/ting 'dzin shes rab tshul khrims yongs dag pa'i/
/dga' ston chen pos yid rab tshim gyur nas/
/nges 'ga' rgyal la dad pa'i dga' ba rgyas/
/skabs 'gar shing rta chen po'i sku drin dran/
/gzhan tshe mkhas pa'i bshes la gus pa dang/
/nyams chung 'gro la snying nas brtse ba dang/
/bstan pa rin chen ring du gnas 'dod pa/
/'di dag phan tshun 'gran bzhin 'phel bar 'gyur/
/de tshe ring nas nyams pa'i rtogs dka'i gnas/
/gang gis btsal bas rnyed pa'i rigs pa'i lam/
de yi rnam 'phrul kye ma'o ngo mtshar zhes/
/gcig pur gnas kyang dga' ba'i ca co 'chor/
/de 'dra de la smra ba'i zla ba yis/
/'di ni shes rab mchog gi bsam gtan pa/
/tshul khrims dag pa'i mgo la 'dug pa po/
/rgyal ba'i gdung 'tshob nges don rnyed pa zhes/
/bstod pa'i phreng bas yang dang yang du bsngags/
/de ltar rgyal bas bsngags pa gang gis 'dod/
/blo ldan de yis rnam bshad 'dir zhugs nas/
/blo mig rigs pa'i lam gyis dag par gyis/
/tshul gnyis shing rta'i srol 'byed 'dir 'bad pas/
/bdag gis bsod nams gang zhig bsags pa des/
/klu sgrub thogs med ji bzhin rgyal ba yi/
/dam chos mtha' dag yun ring 'dzin par shog/
/tshul des rgyal ba dgyes pa skyed pa la/
/rgyal sras mkhas pa kun bzang 'jam dbyangs kyis/
/ji ltar spyad pa de ltar bdag gis kyang/
/rlabs chen spyod la kun nas spyod par shog/
/ces mgon po klu sgrub kyis ngo bo ny-id med pa'i tshul dang/ bdag nyid chen po thogs med kyis rnam par rig pa tsam gyi tshul gyi shing rta chen po'i srol gnyis phye nas/ gsung rab kyi drang ba dang nges pa'i don rnam par phye ba gsal bar byed pa legs par bshad pa'i snying po zhes bya ba 'di dge slong mang du thos pa rigs pa smra ba shar tsong kha ba blo bzang grags pa'i dpal gyis sbyar ba'i/ yi ge pa ni dge sbyong sdom brtson bsod nams blo gros so/
/'dis kyang bstan pa rin po che phyogs kun tu rgyas par byed nus par gyur cig//
Carving Colophon, ff. 59b7-60b7
| //na mo manydzu shri/
tshogs gnyis rgya mtsho'i dpal las 'khrungs pa'i sku gsum lhun po rin chen 'dzin/
/nam mkha'i mthar thug rdzu