[A:43b][...]Printing Colophon, f. 43b1-b7
ces sprul lo hor zla gsum pa'i tshes bzhi'i snga dro spen pas be'u lug rdzi'u 'tsho ba'i grub sbyor gyi dus dge ba la smras pa'o/ //swa sti / yon tan gter mnga' 'phrin las chu bo'i rgyun/ /rgyun chad mi mnga' mtha' yas 'gro ba'i dpal/ /dpal ldan bla ma phyogs las rnam par rgyal/ /rgyal ba kun dngos de la 'phyag 'tshal lo/ /rgyal bas chos kyi sgo mo dung phyur bdun/ /sa ya bye ba bdun bdun 'bum phrag drug/ /gsungs pa'i dgongs don nges pa'i gsang chen ni/ /rang sems rtogs pa'i thabs kyi mig 'phrul du/ /stong mdzad rdo rje'i gsung dbyangs 'di ru 'dus/ /de phyir theg dman rtog ge'i yul min yang/ /skal ldan yang rab (rabs )rnams kyi bsten byas ste/ /zab rgyas lta ba'i gsung zer 'di 'phros tshe/ /sa ra ha dang bzhad pa rdo rje sogs/ /rgya bod grub thob sngar byon mang po yi/ /rtogs brjod glu 'phreng du mas 'gran du ci/ /ngo mtshar mgur gyi phreng ba rin chen 'di/ /mi zad gter gyi sgo 'phar dbye ba'i phyir/ /bsams bzhin skye ba bzhes pa'i chos kyi rje/ /mkhas grub chos bzang lha yi dbang po zhes/ /mtshan gyi snyan pas sa chen khyab pa des/ /longs spyod rgya mtsho'i rba rlabs cher g.yos nas/ /yongs rdzogs par du sgrub pa'i sbyin pa'i phyag/ /gnyis 'thung dbang po'i sna ltar brkyang ste mdzad/ /yi ger byed po bdos kyi 'du byed mkhan/ /sprul sku rdo rje tshe dbang tshe brtan dang/ /jo bo dar rgyas la sogs mkhas pa'i tshogs/ /lag sor bde 'phyug ldan pa rnams kyis brkos/ /dag byed gangs can brda yi chos rnams la/ /mkhyen spyan rab dbyangs byams pa kun dga' dang/ /rgyal ba'i thugs sras rin chen bzang po ba/ /rig 'dzin grags pa dpon slob rnam gsum gyis/ /rnam dpyod lung rigs chu yis dag par byas/ /de yi x dge bas bka' rgyud rin po che'i/ /bstan pa yar ngo'i zla ltar 'phel ba dang/ /bstan pa'i gtsug rgyan dpal ldan bla ma'i sku/ /mtha' yas 'gro ba'i dpal du zhabs brtan zhing/ /zab gsal lhan cig skyes pa'i rang zhal 'di/ /skye bo kun gyis mthong ba'i rgyur gyur cig/shubha ma stu sarba dza ga tAM/