[A:278][...]Printing Colophon, pp. 278.8-279.18
ces sa pho byi ba'i lo hor zla drug pa'i dkar tshes gnyis pa'i snga dro'i cha rgyal phur gyi 'grub sbyor dang ldan pa'i dus dge ba la rnam thos kyi ri bo'i sgrub sde yang dgon bsam 'phel dbang po'i tog ces bya bar grub par bgyis pa'i yi ge ba ni skal bzang rnam par rgyal ba ste/ 'dis kyang thub pa'i bstan pa la phan thogs rgya chen po 'byung bar gyur cig/swasti pra dzA bhyaH smra ba zla med gang gi ni/ /bka' yi khur gyis lci ba bzhin/ /dregs ldan mgo bo dud byed pa/ /sgyu 'phrul sras po de nyid lags/ /de yis nyid kyi cod pan legs bkod skabs gsum yul gyi snang byed gcig /theg mchog gtam gyi 'chi med nga ros sa gsum ma rig gnyid las slong / /mi dman byams pa'i bdud rtsi'i thigs 'phreng ga pur nyar mas sbrun min pas/ /srid zhi'i gdung sel rgyal tshab mchog de'i bkra shis khyod la mngon gyur shog /mi pham bla gos grwa gnyis 'dab ma'i gar/ /rdzu 'phrul rlung gis bskyod 'dras dga' ldan gnas/ /bgrod la thogs pa med pa'i 'dab bzang des//sa la gzhung 'di'i bdud rtsi'i skyes bzang mdzad/ /de nas 'phags dang bod yul mkhas kun gyi/ /mgur dang thugs mkhar gang 'di'i tshig don sprin/ /legs bzung ljags yangs glog gi bro gar dang / /lhan cig chos kyi char rgyun chad ma gyur/ /khyad par stong nyid seng ge yi/ /nga ro bzang pos thub bstan nags/ /'gengs de'i rnam dpyod gdong lnga'i gzugs/ /don gsal me long ngos la thob/ /shing rta'i srol