R1145: mngon rtogs rgyan gyi 'grel ba 'jig rten gsum sgron/ par rnying / mjug byang / {bod yig glog rdul dpe cha/}

  • Pagination (Witness A): 279
[A:279]'byed che rnams kyi/ /legs bshad utpal chun po yis/ /rna lung mdzes par ma zad kyi/ /mi pham snang bas spobs byas shing / /'dzam gling byang ljongs sher phyin rgyas byed pa'i/ /lung bstan mngon gyur zla ba'i 'od zer ni/ /gzhon nur gyur de'i nyer bstan gyis bsnyems pa'i/ /dpal ldan rang byung smra la gdeng thob gyur/ /de nyid slar byon 'jig rten gsum/ /snang byed sgron me 'degs rtsom pa'ang / /smra ba'i mchog 'di'i bsgo skal du/ /bsod nams go skabs byin bzhin gyur/ /de nas byed po gzhan dang mi mnyam pa'i/ /rnam dpyod stobs brgyas drangs pa'i rnam bshad 'di/ /gzhung lugs kun la tshangs pa'i thugs mnga' 'das ('dis)/ /rgyal dbang mchog de'i gdung tshab ji bzhin sprul/ /gang 'dis sher phyin phyogs 'dir rgyas 'gyur ba'i/ /rgyal ba'i lung bstan mngon du byed pas na/ /'di nyid thos bsam bsgom pa lhur len pa'i/ /skye bo skar tshogs lta bu'i re skongs phyir/ /gcig las glegs bam mi zad tshegs med du/ /'pho bar byed pa par gyi sgyu 'phrul 'di/ /nyid kyi thugs rje gzugs can bzhin gyur la/ /rigs kyi dpon dang chos kyi sras po mchog/gtsug lag gnyis la mkhyen spyan thogs med cing / /dpa' mdzangs 'phrul ldan stobs kyi kha lo ba/ /mi bdag kun dga' rnams (rnam )rgyal dpal bzang pos/ /rgya mtsho sku rab lugs gnyis 'dun sar bsgrubs/ /dag byed rab 'byams chos ldan rab 'byor te/ /rdo rje tshe dbang zhes bya'i rig byed pa/ /yi ger 'dri po nyid yin gsegs gcod kyi/ /kha lo bsgyur ba rnams kyi'ang ded dpon lags/ /de soDa brkos la byang ba 'dun phrag gis//bi shwa karma'i sgyu thabs mngon sum bzhin/ /tshegs med grub 'di snying po'i bstan pa yi/ /srog tu nyi zla ji srid 'bar gyur cig /'di las rnam dkar legs byas phung po gang zhig thob par gyur ba des/ /dpal ldan bla ma'i zhabs pad legs brtan rgyu sbyor ba dang rig gnas pa/ /kun gyi 'phral yun phan bde kun grub shar phyogs rgyal chen sku rab pa'i/ /dbu rmog btsan zhing chos dang srid kyi 'byor tshogs 'phel bas dge gyur cig /shu bhaM//