[A:༢༧༦བ]རློམ་གྱིས།། འགྲེལ་བཤད་ཆུ་ཀླུང་སྤེལ་བ་མང་མོད་ཀྱང།། གཞན་ཟེར་ཀུ་ཅོ་སྒྲོག་པ་ལྷུར་བླངས་ནས།། གཞུང་འདིའི་དགོངས་པར་འཆད་པ་མིན་ནམ་ཅི།། དུས་དེར་ཕྱོགས་ལས་རྣམ་རྒྱལ་འཇིགས་མེད་དེའི།། དྲི་མེད་མཁྱེན་པའི་མཁའ་ལ་རོལ་རྩེད་མཁན།། རྒྱལ་དབང་གསུང་རྒྱུན་རླུང་བཞོན་གྱིས་དྲངས་པའི།། རྣམ་བཤད་ཉིན་བྱེད་འོད་ཀྱི་འཕྲེང་བ་ཤར།། གཞུང་ཉིད་རྒྱ་ཆེར་འགྲེལ་པའི་འགྲོས་མཛེས་ཤིང།། རང་འགྲེལ་དཀའ་གནས་(གནད་)འཆད་པའི་མདངས་གསལ་བས།། གསུང་རབ་ཀུན་གྱི་སྙིང་པོ་གསལ་བྱེད་མཆོག།། ངེས་དོན་དྲང་པོའི་ལམ་ལ་ལྷང་ངེ་བ།། བླ་མེད་རྒྱུད་སྡེའི་དགོངས་པ་འདི་ཡི་ཞེས།། ཕྱི་ནང་གཞན་གསུམ་སྦྱར་བའི་མན་ངག་གིས།། ཕྱག་ཆེན་རང་ཞལ་སྟོན་པའི་འགྲེལ་བཤད་འདི།། རང་བྱུང་རྡོ་རྗེའི་གདུང་ཚོབ་མིན་ནམ་ཅི།། གང་འདིའི་གླིག་(གླེགས་)མི་བཟད་བདུད་རྩིའི་ཆར།། སྤེལ་བྱེད་པར་གྱི་སྤྲིན་འཕྲེང་རོལ་པ་འདི།། ལུང་རིགས་འབྱུང་གནས་ཀརྨ་གྲྭ་ཚང་གི།། རིགས་གྲོལ་འདུས་པའི་འབྱོར་ཚོགས་རྒྱ་མཚོ་ཆེ།། དགེ་ལེགས་ཤེས་བྱའི་དོན་དུ་རབ་དམིགས་ནས།། གྲུབ་པའི་དབང་པོ་གྲགས་པ་དཔལ་ལྡན་པའི།། གཏོང་བའི་ཆུ་བོས་བྲན་པའི་བྱེད་པ་ལས།། ཕུལ་བྱུང་བསོད་ནམས་མཁའ་ལ་འཁྲིགས་པར་གྱུར།། གཞུང་བརྒྱའི་དེ་ཉིད་སྨྲ་མཁས་རིགས་པའི་ལྕེ།། རིང་པོར་རྐྱོང་མཛད་དབང་ཕྱུག་རྒྱལ་མཚན་དང།། གསང་སྔགས་ཀུན་རིགས་བསྟན་པ་རྒྱ་མཚོ་བས།། དག་པར་