[A:276b]rlom gyis// 'grel bshad chu klung spel ba mang mod kyang// gzhan zer ku co sgrog pa lhur blangs nas// gzhung 'di'i dgongs par 'chad pa min nam ci// dus der phyogs las rnam rgyal 'jigs med de'i// dri med mkhyen pa'i mkha' la rol rtsed mkhan// rgyal dbang gsung rgyun rlung bzhon gyis drangs pa'i// rnam bshad nyin byed 'od kyi 'phreng ba shar// gzhung nyid rgya cher 'grel pa'i 'gros mdzes shing// rang 'grel dka' gnas (gnad )'chad pa'i mdangs gsal bas// gsung rab kun gyi snying po gsal byed mchog// nges don drang po'i lam la lhang nge ba// bla med rgyud sde'i dgongs pa 'di yi zhes// phyi nang gzhan gsum sbyar ba'i man ngag gis// phyag chen rang zhal ston pa'i 'grel bshad 'di// rang byung rdo rje'i gdung tshob min nam ci// gang 'di'i glig (glegs )mi bzad bdud rtsi'i char// spel byed par gyi sprin 'phreng rol pa 'di// lung rigs 'byung gnas karma grwa tshang gi// rigs grol 'dus pa'i 'byor tshogs rgya mtsho che// dge legs shes bya'i don du rab dmigs nas// grub pa'i dbang po grags pa dpal ldan pa'i// gtong ba'i chu bos bran pa'i byed pa las// phul byung bsod nams mkha' la 'khrigs par gyur// gzhung brgya'i de nyid smra mkhas rigs pa'i lce// ring por rkyong mdzad dbang phyug rgyal mtshan dang// gsang sngags kun rigs bstan pa rgya mtsho bas// dag par