[A:232]'byung gnas legs bshad gling gi gtsug lag khang du yongs su rdzogs par sbyar ba'i yi ge pa ni don yod dpal bzang gis bgyis pa ste/ 'dis kyang sems can thams cad kyi snying la gdod ma nas rang chas su bzhugs pa'i lhan skyes kyi ye shes mngon sum du rtogs pa'i rgyur gyur cig/
swa sti/ sems kyi ngo bo skye med rdzogs sangs rgyas/ /de yi rang gdangs 'gag med dam pa'i chos/ /rtsal snang cir yang 'char ba 'phags pa'i tshogs/ /skyabs mchog gsum dngos sems nyid la phyag 'tshal/ /rgyal bas chos sgo dpag yas gsungs rnams kyi/ /snying po las kyang snying por gyur pa ni/ /sa ra ha dpal zhal gyi bdud rtsi'i rgyun/ /do ha skor gsum 'di dag kho na ste/ /de tshul rnam 'byed 'grel pa'i 'phreng ba ni/ /rgya bod mkhas pa'i gsung ngag mtha' yas kyang / /nyams len gnad kyi gdams pa'i bcud bsdus nas/ /sangs rgyas lag bcangs nyid du ston mdzad pa/ /mda' bsnun zhal lung nyin byed dbang po ni/ /legs bshad rta bdun 'gros kyi kha lo bas/ /nges don zab mo'i shing rta la bkod nas/ /mtha' yas gdul bya'i yid mkhar spyan drangs te/ /srid dang zhi ba'i snang brnyan sna tshogs pa/ /sems kyi rnam par thar pa'i 'du 'god rnams/ /ji bzhin gsal bar ston pa'i me long 'di/ /rang ngo mthong tshe gsal byed rgyan yin no/ /deng 'dir sdom brtson bo dhi satwa yi/ /rgyal tshab ye shes dbang po zhes bya ba'i/ /rmad byung rigs kyi ljon pa'i rtse mo der/ /de yi gdung 'tshob thugs rje'i dbon sras mchog /lha dbang mi'i rgyal por rnam sprul ba//skye dgu kun la dga' ba'i 'dzum zhal can / /gtsug lag gnyis la mngon par dbang 'byor pas/ /chos kyi spyan ldan sa skyong dam pa byung / /rig gnas mtha' dag mkhyen pa'i paNDi ta/ /sems nyid rang zhal gzigs pa'i grub dbang po/ /sa chen byams pas skyong mkhas mi yi rje/ /de slad lugs gnyis skyong ba'i dbang po yin/ /mkhyen pa'i ye shes 'jam pa'i dbyangs 'dra zhing / /brtse ba'i thugs rje spyan ras gzigs dang mtshungs/ /nus mthu'i stobs ni mthu chen thob ji bzhin/ /skye dgu kun gyi nyer 'tshor 'di byon no/ /mthong na lha yi dbang po ltar mdzes shing / /thos na kun dga'i gsung gis 'gro kun tshim/ /bsams na skyon