[A:66]du byas nas yon tan rin po che phul du byung ba rnams nyi ma'i gzugs su bkod nas bstod pa de go sla'o/ /phun tshogs dge legs bye bas bskrun pa'i sku| |zab cing rgya che'i chos char 'bebs pa'i gsung / /byang chub sems gnyis legs par 'byongs pa'i thugs/ /bla ma'i sku gsung thugs la gsol ba 'debs| zhes pa/ sku skye ba snga ma rnams su tshul khrims dang bzod pa la sogs pa'i dge legs mtha' yas pas bsgrubs pa'i sku'i yon tan dbang po thams cad yongs su rdzogs la 'tsham zhing / mchu zhing gab pas mthong na mi mthun pa med pas kun gyi yid 'phrog pa dang chos rnams kyi gnas lugs gang zag dang chos kyi bdag med pas bsdus pa'i stong pa nyid zab mo la gsan sbyong gi gtso bo legs par mdzad pas stong nyid ston pa la shin tu mkhas shing dgyes la/ rgya che ba sa dang pha rol du phyin pa'i rnam gzhag ston pa/ sa sde lnga dang sdom rnam gnyis/ bka' gdams gzhung drug sogs la thugs dam dang gzigs rtog 'chad nyan gyi gtso bor mdzad pas dus rtag tu bar ma chad par gsung pa dang / de dag gi don| sems can thams cad la bu gcig pa ltar gzigs nas/ de dag gi bde ba bsgrub pa dang sdug bsngal sel ba'i bsam sbyor yongs su rdzogs pa'i kun rdzob sems bskyed dang chos thams cad kyi rang bzhin spros pa'i mtha' thams cad dang bral ba nam mkha'i dkyil ltar gzigs pa'i mnyam gzhag nam mkha' lta bu dang tha snyad 'khrul pa'i ngo bo snang la rang bzhin med pa me long gi gzugs brnyan bar snang gi 'ja' tshon ltar gzigs pa'i rjes thob sgyu ma lta bu gnyis zung du 'jug pa'i don dam sems bskyed te/ byang chub kyi sems rnam pa