[A:103]cad bsngo rgyur byas/ ched du bya ba nam mkha'i mtha' dang tshad med du mnyam pa'i sems can gyi don du bsngo ba tshangs pa brgya byin sogs lta zhog nyan rang gi byang chub tu yang mi bsngo bar bla med byang chub mchog zung 'jug rdo rje 'chang gi go 'phang thob phyir du bsngo bar bgyi'o/ /
de ltar rgyu la gtso bor dmigs nas rgyu phal pa mchog tu bsgyur bar byed pa'i sems pa 'dun pa dang mtshungs par ldan pa ni bsngo ba yin la gtso bor 'bras bu la dmigs nas 'bras bu khyad par can la re ba 'cha' ba'i 'dun pa dang mtshungs par ldan pa ni smon lam yin pas/ 'dir dngos kyi bya ba'i nus pas dngos kyi 'bras bu khyad pa ba thob par smon pa ni/ dge legs kun gyi 'byung gnas bla ma la/ /dge ba'i sems kyis cung zad bstod bgyis pa'i/ /dge ba 'di yis 'gro ba ma lus kun/ /dge ba'i bshes kyis rjes su 'dzin par shog /ces pa ste/ 'brom ston pa'i gsung las/ skyon che 'grib dang chung 'grib thams cad bla ma la brtain nas 'grib/ yon tan che skye chung skye thams cad bla ma la brten nas skye'o/ /zhes gsungs pa ni mdo sde dang rgyud sde dang / man ngag dang bstan bcos thams cad kyi dgongs pa phyogs gcig tu bsdus pa'i phyir legs pa thams cad kyi rtsa ba ni bla ma kho na yin pas de la dngos po thams cad kyis rnam pa thams cad du bstod par 'os mod kyi da ltar gyi gdul bya tshig nyung ngu la lhag par mos shing snyan ngag dang sdeb sbyor dang tshig gi rgyan la sogs pa go bar mi nus pa dag gi ngor byas nas bdag nyid chen po 'di'i yon tan gyi rgya mtsho chen po gting mtha' med pa'i nang nas chu'i thigs pa tsam zhig