[A:104]blang ste blun po dag gis kyang go bde bar cung zad bstod pa byas pa'i dge ba'i mthu las 'gro ba thams cad gtan gyi mdun ma'i bdag rkyen gyi gtso bo theg pa chen po'i dge ba'i bshen gnyen 'di'am 'di dang tshul mtshungs pa bdag gis skye ba dang tshe rabs thams cad du mnyes bzhin du rjes su 'dzin par gyur cigargyal ba kun gyi mkhyen brtse gcig bsdus shing / /rgyal ba'i ring lugs mtha' dag legs bzung bas/ /rgyal ba gnyis pa chos rje rnam gsum gyi/ /rgyal tshab dam par gyur pa'i bstan 'dzin ni/ /bod chen mdo khams stod pa gon 'jo'i rigs| |dka' bcu 'dzin pa nam mkha' 'od zer zhes/ /byang phyogs 'di na nyi zla lta bur grags/ khyad par byang sems lam la gtsor mdzad pas/ /byang sems nam 'od pa zhes kun la gsal/ /kye ho bdag ni sngon byas skal ba bzang | |theg chen dge ba'i bshes kyi mchog gyur pa/ /bdag nyid chen po 'di yi dgyes bzhin du/ /bstan la zhugs ma thag nas rjes su bzung / /sgo gsum gus pa kun gyis mnyes pa bsgrubs/ /phyi nang gsung rab kun gyi bshad pa dang | |gsang sngags rgyud sde bzhi yi dbang bka' dang / /smon 'jug sdom pa'i cho ga dri med dang / /mdo sngags lam zab kun gyi man ngag thob// bstan la ci nus spel ba'i gnang ba bstsal/ /ci gsung legs par bsgrub pa'i bsam sbyor byas| |dgongs pa phal cher legs par rdzogs sam snyam// da dung 'bad pa kun gyis nyin mtshan du/ /spyir dgos bla ma'i dgongs pa rdzogs bya'i phyir// sgo gsum dal ba med par brtson byas nas/ /bla ma'i byin rlabs rtag tu 'jug pa dang | |spyir dgos bstan pa ches cher spel ba dang / /'gro kun phan bde'i