[A:67]gnyis kyis thugs rgyud legs par 'byor pas na/ sku gsung thugs kyi nyes pa thams cad dang bral zhing yon tan mtha' dag yongs su rdzogs pa'o/ /
gnyis pa la rang gis sangs rgyas kyi chos yongs su rdzogs par mdzad tshul dang / rdzaugs nas bstan pa dang sems can gyi don rgya cher mdzad tshul lo// dang po la/ nges 'byung dang dad pa gtso bor gyur pa'i yon tan dang / mang du thos pa dang gtong ba gtso bor gyur pa'i yon tan dang / sbyangs pa'i yon tan dang | brtson 'grus gtso bor gyur pa'i yon tan no/ /
dang po ni/ gzhon nu'i dus nas theg chen rigs sad cing / /'khor ba'i bde 'bras chu shing ltar dgongs te/ /bstan la rab byung theg chen gzhung la sbyangs| |dul zhing des pa'i dpal mnga' khyod la 'dud/ /ces pa stai/ ji skad du mdo sde rgyan las/ blo ldan rnams kyi las dang ni/ /gzhan yang smon lam dag pa dang / /ting nge 'dzin dang dbang 'byor ba'i/ /dbang gis skye bar 'dod pa yin| |zhes pa ltar byang chub sems pa bsam bzhin du srid par skye ba bzhes pa'i rgyu de dag gang yang rung ba la brten nas/ byang phyogs gangs ri'i ljongs kyi bstan pa rin po che dang sems can mtha' yas pa'i ched du rnam par dkar ba'i lhag bsam dang rmad du byung ba'i thugs rje chen pos kun nas slangs te/ bod dang bod chen gnyis su byed pa'i bod chen/ mdo khams kyi sa'i cha/ de la yang mdo stod dang mdo smad gnyis su grags pa las mdo khams stod kyi sa'i cha/ spy-ir sangs rgyas kyi bstan pas khyab cing / khyad par dpal ldan sa skya pa'i chos dang zang zing gi 'byor pas legs par brgyan pa dpal 'bar dang gtso mdo la