[A:68]sogs pa'i dge 'dun gyi sde chen po gnas pa dmar khams gon 'jo'i nang tshan| 'phar khang par grags pa'i rus tshan gyi nang du sa pho spre'u'i lo la sku skye ba bzhes te/ lhums su zhugs ma thag nas kyang / yum la dad pa dang snying rje ngang gis 'phel ba dang / sems rgyud rab tu zhi bar gyur pa la sogs pa'i yon tan gsar du skyes pa lta bu mngal na bzhugs pa'i tshe yang / sems can dpag tu med pa'i don du 'gyur bar mdzad do/ /sku bltams nas kyang gzhon nu rnams kyi nang na rang bzhin gyis dbang po dul ba dang zhi ba dang / ngang rgyud 'jam pa dang snyan par smra ba la sogs pa'i yon tan du ma dang ldan pas/ mthong ba dang thos pa kun gyis 'di ni sems dpa' chen po zhig go /zhes gtam du gleng zhing / gzhon nu nyid nas klog dang yi ge la sogs pa gzhon nu'i rgyusgyu rtsal la slob pa'i tshul bstan pa na yang tshegs chung ngus thugs su chud cing / gzhon nu gzhan dag ni/ bza' bar bya ba dang bza' bar bya ba ma yin pa tsam la yang rmongs shing / 'phral dang yun du gang phan tsam la yang mig ldongs par gyur te/ rtsed mo rtse ba'i bsam pa gtso bor 'dzin la/ bkres pa dang skom pa tsam ngo shes kyi chos dang chos ma yin pa'i rnam dbye gang yang mi shes pa'i dus de'i tshe yang / bdag nyid chen po 'di ni srid pa'i sdug bsngal dang yid mi bde ba rnams lta zhog lus dang longs spyod dang / 'khor dang chab srid la sogs pa srid pa'i phun sum tshogs pa gang zhig skye bo gzhan chos la goms par rloms pa du ma yang chags zhing zhen la bde ba dang / yid bde ba chen po skye ba'i gnas gyur pa'i bde 'bras mtha' dag kyang byis pa 'drid par byed pa'i dbu ba dang smig rgyu