[A:70]sems dpa'i spyod pa la 'jug pa la thog mar slob gnyer mdzad/ de rjes thun mong min pa'i mngon rtogs kyi rim pa rdzogs par ston pa mngon par rtogs pa'i rgyan 'grel pa don gsal ba dang bcas pa la thugs sbyong legs par mdzad pas theg chen gyi khams dang dbang po thams cad yongs su brtas par gyur to// de dag gi skabs su nyin par slob gnyer la shin tu 'grusapas mtshan mo rnal lam du yang de dag gi 'dzin skyong la sogs pa mang du 'byung zhing khyad par sangs rgyas byang sems kyi gzigs snang khyad par can byung tshul ni/ rgyal sras gzhon nu rgyal yum 'dzin pa'i tshe/ /lhag pa'i lha dang lhag par seng bzang gis| |rnal lam tshul gyis rnal 'byor mchog la sbyar / /byams pas byin rlabs byams thugs ldan la 'dud/ /ces pa ste/ bdag nyid chen po 'di dgung lo bcu pa tsam gyi dus su/ phar phyin la slob gnyer shin tu 'grus par mdzad pa'i skabs rnams su/ rnal lam du rgya gar gyi paNDi ta mang po gzigs shing / khyad par slob dpon seng ge bzang po yin zer ba'i paNDi ta sku gzugs ring po nam bza' ngur ser bzhes pa zhig gis las 'bras dang bsam gtan sgom pa'i man ngag la sogs pa'i chos mang du bstan par rmi ba dang / lhag pa'i lha rje btsun 'jam pa'i dbyangs kyi sku'i snang ba 'ga' re rnal lam du gzigs pa dang | ri chen po zhig gi ngos la rje btsun byams pa mgon po sku gzugs shin tu che ba zhig gzigs pas rkyen byas nas/ byams pa chen po lhag par 'khrungs te de nyin par dran pa na phyag dpe'i gzigs 'phro'i dpe cha'i steng du spyan chab mang du 'chor ba la sogs pa shin tu ngo mtshar ba'i mngon par rtogs pa du ma thugs