[A:49]nas nyin mtshan med par 'bad do/ /
gsum pa ni/ rang gi lta ba dang spyod pa sogs kyi yon tan gzhan la ji bzhin 'phos pa ma byung na'ang / yid dga' tsam byed pa shin tu mang la/ cha shas 'phos pa'ang mang po yod do/ /tshul khrims kyi bslab pa ni/ rta nagadage 'phel| chos 'khor/ rgya mtsho sogs su byas pa kun gril na/ rab byung brgya phrag gsum tsam dang / bsnyen rdzogs bdun cu skor byas shing / 'ga' zung 'ga' zung ma gtogs/ chos 'khor ba la rab byung bsnyen rdzogs byas pa yin zer nas bslab tshugs la nan du byed do/ /
bzhi pa ni/ bsam pa'i ngos nas chos la zhus dag byas te ji bzhin bya bar 'dod pa yod mod/ sbyor ba'i ngos nas/ rje btsun red mda' bas/ 'gro drug pha mar shes pa'i snying rje dang / /snang srid stong par rtogs pa'i shes rab gnyis| |re 'ga' res 'jog res 'ga' zung 'brel bsgoms/ /'on kyang phal cher snyom las dbang du thal/ /zhes pa bzhin te/ dang por dad pa so ma'i tshe| bla ma mthong ma thag dang dran ma thag mchi ma 'chor ba'i dad pa dang / dge 'dun dang lhan cig tshogs su 'gro ba'i tshe/ dge 'dun rnam dag dang gos 'di lta bu gon/ gding lhung 'khyer nas lhan cig 'gro ba'i skal ba byung snyam pa dang / chos gos chab bsil gyi tshe/ gtsang sar 'jog pa na yang 'di lta bu'i 'dul ba'i lag len nyams su blang du yod snyam pa sogs byas ma thag tu mchi ma ye mi thub pa dang / khyad par gso sbyong gi tshe/ mgo phur nas nges 'byung gi shugs zad zad kyi bar du mchi ma bton pa na/ 'ga' res 'dis sdom pa shor ba yin par