[A:50]'dug zer mkhan thos pa na/ nyams bskyil bas/ de rjes kyi mchi ma nyung du song ba na/ chos rje mkhyen rab dbang phyug pa'i gsung gis/ khyed dad pa dang nges 'byung chung du song 'dug pa ci yin nam gsung ba byung ste/ de lta bu'i nges 'byung dang | des bskyed pa'i tshul khrims sngar bshad pa bzhin dang btsun pa byas nas lo gsum lhag par rngas mi 'jug par gdan rkyang pa'i steng du tsog bu mtshan nyid tshang ba byas pa khams la shin tu gzan par byung nas mnye 'bol re bcugaganyid la zla grib 'dom gang gi tshad yun ring po byas/ nyung ja 'thung sar yang dpe cha blta ba dang / bskyang ran byas pas/ gral pa 'di rnams kyis/ ci lab bsam pa ma gtogs/ gtam gleng byas pa mi tshor ba sogs dang / bar skabs su| dus 'khor rgyas pa sogs kyi bsgom bzlas 'chags med/ mtshams gcig nas dpal ldan rgyu skar/ mkha' 'gro rgya mtsho/ chos dbyings gsung dbang sogs kyi dkyil 'khor chen po mang po'i bsgom bzlas 'chags med/ phyis rigs tshogs bzhi 'jug byams chos lnga/ spyod 'jugarin chen phreng ba sogs gzhung mang po/ dang po slob gnyer gyi dus/ kha ton byas pa rnams/ gsos nas kha ton lo skor du byas pa lta bu'i brtson 'grus/ tsha grang sogs kyi sdug bsngal cung zad byung pa na/ rang nyams la dpag ste/ tsha grang gi dmyal ba sogs la dmigs te/ mchi ma 'byin pa sogs kyi snying rje/ snang ba thams cad rdzun pa bslu ba'i chos can dri za'i grong khyer lta bu la 'khrul ngor bya byed 'thad par mthong ba'i ji lta ba dang / sngar brjod pa'i ji snyed pa mang du shes pa'i shes rab sogs ni yod la/ log rtog can dang chos nyams chung bas bltas pa'i tshe/