[A:52]bstan pa'i sgron me skye rgu'i dpal du 'bar gyur cig/ces pa stag tshang gi lo tsA ba dge slong chos smra ba/ shes rab rin chen rgyal mtshan dpal bzang po zhes bya ba la/ rang gi slob ma dbus gtsang du ston grags thon zhing / thugs bskyed shin tu bzang bas/ 'chad nyan gyi tshe grwa pa mkhas pa mang po 'thon zhing / nyams len gyi tshe blun rmongs mgon med mang po smyung gnas sogs la legs par 'god pa'i thugs can/ mkhas mchog skyes mchog dpal bzang dang / mdo sngags mtha' dag la nyams rtogs phul du byung yang ngoms pa med par thos bsam sgom pas dus 'da' zhing / gzhan don phun tshogs mnga' ba/ 'phags pa mgon po bzang dang / rigs gnas kun la blo gros thogs pa med pas/ mkhas btsun bzang gsum 'dzoms pa/ brag nag dka' bcu pa nam mkha' rgyal mtshan pa dang / shangs chos mthar phyin nas/ mdo sngags spyi dang khyad par sgra dus la sbyangs shing / rnam thar 'dzin 'dod gtso bor yod pa/ 'jag pa dge slong kun dga' 'od zer rnams kyis/ yun ring po nas yang yang bskul zhing/ khyad par manTal phul nas dad cing nan gyis bskul ba dang gzhan yang don gnyer ba mang po dang / khyad par rgyal ba bzang po dbon shrI dang / hu shr-I chen po'i rigs brgyud dri ma med pa/ bla ma dang bstan pa rin po che la mchog tu dad cing | gtong phod dang ldan pa/ 'tshar rab 'byor nang so rgya sog rin chen pas/ ston chos btegs te/ zhu rten 'bul ba dang bcas nas bskul ba'i ngor/ rnam 'gyur zhes bya ba lcag pho stag hor zla dgu pa tha skar gyi zla ba'i yar ngo'i tshes bzhi la sbyar ba re zhig rdzogs so// //sarba bha wantu//