[A:62]gshegs brgyad kyi cho ga brgya phrag gnyis lhag bcom ldan 'das kun rig gi cho ga bdun cu skor/ rdul tshon dang 'brel dkyil 'khor cho ga yongs rdzogs dang gzhan yang phyogs mtha'i bu chen gra ris thams cad 'dus nas dge 'dun stong phrag gnyis lhag tsam gyis zhag lnga'i ring mchoda'abul chen po mdzad pa'i gral dbur rje rang gi thugs sras dam pa rdo rje gdan pa kun dga' rnam rgyal spyan drangs| bsnyen bkur 'bul nod phyag 'gyed la sogs pa gya nom pa bsgrubs/ dgung zhag bar chos grwa rnams kyang tshugs mus dang bal po dznyA na shrI na dza dang dpon g.yog brgyad dang / bod kyi mgar ba shing bzo ba sogs dang bcas nas thub pa'i sku rgyab mtho nyi shu rtsa lnga pa gser zangs las grub pa dang / sku tshab byang sems nye ba'i brgyad rnams 'jim bzo dang / gsung gi rten rgyud 'bum/ khyad par rje rang gi bka' 'bum phyogs gcig tu bsdebs pa pu sti bcu gsum/ thugs kyi rten sku gdung rin po che ril par bzhugs pa dngul gdung byang chub chen po thog tshad lhag pa dang bcas pa dus mchod chen mo'i steng du legs par grub pa mnga' rab gnas dge legs rgya mtsho dang 'brel ba'am dbul sogs rdo rje slob dpon la kha tshar dang bcas grub pa gtso bor rgyal tshab chos kyi dpal 'byor dang nye gnas lha'i dpal bzang gis do dam khur len bgyis te gegs med du grub pa'o/ /rgyal tshab chos kyi dpal 'byor mkhyen brtse nus gsum gyi bdag nyid chen por gyur pa'i 'khor lo gsum gyi sgo nas bstan pa spyi sgos kyi 'dzin skyong rje gong ma rnams las ches cher lhag pa'i tshul mnga' ba sogs nyid rang gi rnam thar du gsal ba ltar lags/ /bkra shis dpal 'bar sangs rgyas