[A:54]gnas lha'i dpal bzang dang / /chos lung lo tsA ba dge slob grub pa rgyal mtshan gsum gyi mdzad pa'i kha skong gi rnam thar rgyas pa zhig yod 'dug kyang chos 'khor sgang gi bstan pa'i 'phel 'grib kyis dpe 'thor rkyen du song kyang 'jam pa'i dbyangs chos kyi dpal 'byor gyi rnam thar du rje btsun stag tshang pa'i sngon dang phyis ky-is skyes rabs lung drangs ba dang / /sngon rabs rnams kyi gsung rgyun gleng ba rnams dran lam du gsal ba 'thor bu re zhig zin bris su sdebs pa las| de yang mtha' yas pa'i mkhyen rab dang / dmigs pa med pa'i thugs rje dang | rtag par gzhan la phan pa'i ngang tshul ches phul du phyin pas sa gnas kyi byang chub sems pa chen po yin pa brjod ma dgos kyang / jo bo yab sras kyi lung bstan dang / bdag nyid chen po rang gis zhal gyis bzhes pa sogs brjod par bya ba las/ pha chos lung bstan las/ gtsang du kho bo'i dgon pa chos kyi 'khor lo rtsibs stong las gras pa 'byung zhes gnas lung bstan pa dang / skyabs mchog mtshan ces pa dang / lnga yis dngos sam brgyud par bskur/ lnga ldan bzang pos mi nub skyong / zhes pa/ skyabs mchog ces pa lo chen skyabs mchog dpal bzang dang / lnga yis dngos po zhes pa lo chen skyabs mchog pa/ chos rje seng ge rgyal mtshan/ sems dpa' chen po nam mkha' 'od zer/ rje stag tshang pa shes rab rin chen/ 'jam dbyangs chos kyi dpal 'byor brgyud pas bskur zhes pa/ 'jam dbyang sku skye dang / lnga ldan bzang pos mi nub skyong zhes pa gong gi mkhan thog de rnams kyi ring la chos 'khor sgang gi bstan pa mi nub ces pa'o/ /rje nyid kyi bka'i gnang ba bstsal ba las/ lo chen skyabs mchog yab