[A:60]gyur pa'i ngangs tshugs kyi chos sde 'debs dgos tshul nan du gsol bar brten shing lug zla ba brgyad pa'i tshes bcu gsum la thar gling chos sde chen po'i 'gram bsting lo gnyis ngal mtha' gtsang bar grub cing mnga' ris longs spyod kyi steng nas dge 'dun nyis brgya skor gyi mchod gzhis 'byor 'jags phul/ chos 'khor du phebs tshogs pa kun la dus 'khor rgyud 'grel gsungs pa'i dus lhas me tog gi char bab pa na ka li'i nang du 'dzin thub pa byung / spre'u'i lo'i dgun stod sa g.yo ba dang ltas khyad par can mang du byung / /glo bur du mchod pa rgyas pa shoms gsungs/ drung na gnas pa dag gis dus bzang ba 'jam dpal rdo rje 'di yin nam zhus pas sham bha la nas rigs ldan seng ge mdun gyi nam mkhar nged rang bsu bar byon 'dug gsungs/ da chos don du gnyer na rem las gyis/ ha ha gsungs/ dpal gsang ba 'dus pa gdul bya'i ngor drag po'i skur bzhengs pa gnyan mgon zhal bzhi pa chen po rje nyid kyi bran du khol zhing gtor bsngos dngos su len pa kun la grags shing grub pa las/ gzhan don la dgong pa gtad pa tsam nas gtor bsngos len par bskyengs pa'i phyir 'then byed pa zhig byung bas/ rje'i gsung las 'chi ba yong ba nga rang gis shes/ sangs rgyas bstan pa dar zhing rgyas pa dam tshig snying gi thig ler gnas pa byos shig/ ces bka' bsgo bas skyengs pa'i tshul gyi ngang nas dar cig gi bar rje'i zhal ras la blta 'dug pa las mi gsar bu gcig byung bas mi snang bar gyur/ slar yang yar 'brog pas spyan drangs/ me mo bya lo zla ba bdun pa nas dgu pa'i bar rgyal bu lhun grub bkra shis dang thar gling gi dge 'dun khyim bdag sogs