[A:107]sprul pa mang po bye ba phrag brgya'i sgo nas gdul bya'i don mdzad tshul rjod kyis ga la lang / 'on kyang / de'i rnam 'phrul grags che ba/ 'brom ston pas sku tshe de la dge bsnyen gyi rten gyis bstan pa la bya ba mdzad pa na cung zad ma rdzogs pas bsnyen par rdzogs pa'i rten gyis/ bstan pa'i bya ba mdzad pa ni/ chos rje rnam gsum gyis chos 'khor khyad par can gnam rtse ldeng du bskor nas/ dang tshugs kyi bstan pa brtsugsbtsugs pa dang dus mtshungs su mdzad na shin du phan che bar dgongs nas/ sku tshe 'dir ngur smig 'phyang pa kun gyi nang na 'gran zla med par gyur tshul gyi rnam thar che long tsam zhig brjod par bya'o/ /de yang / bdag gis snga mos nas byas pa'i rnam thar mdor bsdus kyi gsol 'debs/ da lta rang re kun la grags pa 'di gzhung du byas nas bstan par bya ba las/ sngon du| mtshan spel gyi sgo nas mchod par brjod pa ni/ bstan pa'i bdag po shAkya seng ge yi/ /bstan pa'i rgya mtshan phyogs bcur legs gzungbzung nas// bstan dang bstan 'dzin 'gro ba'i dpal gyur pa'i/ /bstan pa'i rtsa lag bzang po'i zhabs la 'dud/ /ces pa ste/ rkang pa re re'i mgo rnams rjes khrid du byas pa'i tshig rgyan nam/ snga ma phyi mar bskor ba'i skor rgyan te don rgyan du yang 'gro'o/ /'on kyang snyan ngag gi brda mang po ni kun gyis go bar dka' bas shin tu go sla zhing tshig bgrod pa yang bar bkod la de ni rtogs par sla'o/ /
rnam thar dngos la dgos pa khyad par can gzigs nas skye ba bzhes tshul dang / rang nyid yongs su smin par mdzad tshul dang / sangs rgyas kyi bstan pa la bya ba mdzad tshul/ slar yang / nang gi rnal 'byor gtso bor mdzad tshul lo//