[A:143]dung 'di lta bu dgos/ mi shes 'dug pas nga rgyal byed rin ma chog go zhes gsungs shing / lta ba rnams par dag pa la gtso bor mdzad pa'i shes rab ste/ phar phyin drug yongs su rdzogs nas bsdu dngos bzhis bstan pa dang sems can gyi don mi dal bar mdzad pa ni kun gyis mngon sum du grub pa yin pas sgro 'dogs dang bkur 'debs ci zhig 'tshal/ de ltar bstod pa'i dge ba bsngo zhing gsol ba gdab pa ni/ bdag ni gus pas khyod la gsol 'debs kyis// deng nas byang chub snying por bdud kyi sde/ /ji srid ma bcom de srid mgon khyod kyi| |brtse ba'i thugs kyis rtag pa bskyang du gsol/ /bshes gnyen tshul bzhin rten pa thar lam gyi/ /rtsa bar rtogs pa'inges pa rnyed gyur nas/ /tshe rabs kun du bshes gnyen gus rten pa'i/ /lam la bsten pas khyod mnyes bgyid par shog /'di yang / bla ma nyid kyi rnam thar thams cad gtso bo'i rjes su 'jug par smon pa'i smon lam te/ des mtshon pa'i rnam thar thams cad rgyud la skye bar gyur cig /gzhan yang / 'dir 'bad dge ba zla ba ltar dkar des/ tshe rabs kun du bla ma mchog de yi/ /sku yi snang ba rtag tu mthong ba dang // gsung gi snang bas blang dor ston gyur cig /de las mgon de'i bzhed pa ji bzhin du/ /sgo gsum bstan dang bla ma dkon mchog gi /phyogs su btang nas mkha' khyab sems can 'di/ /phan bde'i dpal la myur du 'god nus shog /
ces dpal ldan bla ma dam pa chos kyi rje don gyi slad du mtshan nas smos te| 'brom ston seng ge rgya mtshan dpal bzang po'i rnam par thar pa dad pa'i nyi ma zhes bya ba 'di/ dge slong lo tsA ba shes rab rin chen rgya mtshan dpal bzang