[A:109]gnyis rdzogs par longs spyod pa'i bka' gdams kyi bstan pa nyi ma stong pas kyang gsal zhing / chu bo ga ga'iganggA rgyun las ring par btsugs te/ rgya gar rgya nag gi bar nyams len gyi bstan pa rgyas par mdzad pa'i bdag rkyen chen po de 'di snyam du dgongs te/ byang chub sems dpa'i sdom pa cha lag dang bcas pa'i bstan pa la bya ba lhag par byas mod kyi/ 'on kyang / dge bsnyen gyi sdom pa re tsam la bsten nas rang rgyud 'dul ba 'dis kyang / de bzhin gshegs pa'i bstan pa'i nang tshod 'dul ba la blta bar yang ma gnang na/ gsang pa zab mo la spyod pa dang dge 'dun gyi sde mtshan nyid tshang ba gong nas gong du rgyas par byed nus pa ni lta ga la zhig /des na da ni/ tshangs par spyod pa'i gtso bo dge slong gi rten rnam par dag pa gcig gzungbzung la tshangs par spyod pa yongs su rdzogs pa'i dpal dang ldan pa/ dge 'dun gyi sde mtshan nyid yongs su rdzogs par dag gi dngos kyi bdag rkyen bya'o snyam du dgongs nas/ rgya gar ma ga dha rdo rje'i gdan las byang phyogs su dpag tshad brgya bgrod pa'i sa/ rje btsun 'jam pa'i dbyangs kyi skyed tshal chen po grom pa dpal ldan sa skya pas shar phyogs su dpag tshad drug tsam bgrod pa'i yul ljongs| chu bo chen po spag shurpakShu grags pa dal gyis 'bab pa'i 'gram| rang byon 'phags pa 'khrungs la/ gtsang g.yas ru byang gi smad du gtogs pa/ lang 'gro stag tshang lung pa zhes bya ba/ chos dang zang zing gi dpal 'byor phul du byung ba dang ldan pa'i yul ljongs kyi khyad par/ chos rje lo chen 'khrungs pa'i ljon zhes bya ba'i lung lag gi mda'/ stag sna zhes bya bar/ rigs