pa ni/ me nyag 'ga'i yul du sku 'khrungs shing / gzhon nu la rgya gar du byon nas/ paNDi ta du ma bsten cing mkhas par gyur nas/ rdo rje gdan gyi yang ring lugs pa mdzad/ dus 'khor 'grel chen bod skad du bris shing / rgyud ri li chos kyi grags pas bsgyur nas/ rga lo dang / 'ga' rod lo tsA ba tshul khrims 'byung gnas/ rong rlings lo tsA ba/ ra byid lo tsA ba/ se lo tsA ba la sogs pa mang po la gsungs mod kyi/ snga ma bzhi po nas brgyud pa 'ded pa ni ma rnyed la/ se lo tsA bas gnyos 'od ma la gsungs shing / de nyid kyis grub thob tu grags pa'i u rgyan pa rin chen dpal la gsungs nas/ dbang 'khrid bshad bka' rnams kyang yun ring du bskyangs shing / sgrub thabs dang dbang chog dang bcud len dang / rlung sbyor la sogs pa'i bstan bcos kyang mang du mdzad do// de nyid la khyog pa'i yon tan byang chub kyis zhus/ de la chos rje kun spangs chen po zhang gis zhus shing / chos rje la kho bo cag gi bla ma dam pa yon tan rgya mtsho bas zhus la/ kho bos de nyid las thob pa yin no// shong 'gyur ni/ la stod lho'i spyad lungs shar ka'i bong ra zhes par sku 'khrungs pa/ shong ston lo tsA ba rdo rje rgyal mtshan zhes grags pa de nyid gzhon nu la rab byung mdzad nas/ bla ma go lung pa chen po mdo sde dpal rgyal mtshan gyi drung du bsnyen te/ rgyud sde du ma dang rdo rje phreng ba skor gsum la sogs pa mang du zhus shing / gar dang / thig dang / lnga bsdus dang / gza' lnga dang / g.yul rgyal la sogs pa rtsis kyi gtsug lag du ma'ang bslabs nas byang bar mdzad de/ gza' rnams gsal bar byed pa'i sgron ma la sogs pa rmad du byung ba'i rtsis kyi bstan bcos du ma'ang mdzad nas/ stag sde pa sengge rgyal mtshan zhes pa/ pha ri lung du sku 'khrungs shing / chos rje mngon grwa pa las phar tshad mngon sum dang / dus 'khor 'bro 'gyur gsan nas mkhas par grags pa de nyid kyi drung du tsha snar byon te/ phar tshad mngon sum dang / bod bsdus la sogs pa rnams la mkhas par mdzad de/ dpal dus kyi 'khor lo'i dbang zhu ba'i yon la/ dus kyi 'khor lo'i rgyud 'grel 'bro 'gyur gyi glegs bam na/ bla na med pa'i rgyud mchog 'di/ /gnas po med pa'i brag phug tu/ /g.yog po med pa'i shong ston gyis/ /dub pa med pa'i rtsol bas bris/ /zhes pa la sogs pa'ang snang ngo // gcig dang / spyan ras gzigs kyis mdzad par btags pa'i mtshan brjod 'grel pa dang / 'bro pa'i gsung sgros rgyas pa 'od zer phreng ba dang / dri med rgyan la sogs pa shog deb bzhi bcu tsam phud bu lung dang / brag chung gi brag phug tu phyag ris su mdzad de phul zhing / dbang bcu gnyis yongs su rdzogs pa dang / gdams ngag kyang zhus te dus 'khor rgyud 'grel 'bro 'gyur yongs su rdzogs par gsan no// de nas 'gro ba'i mgon po 'phags pa gdan sar snga ma res phebs pa'i drung du byon te/ bstod pa'i tshigs su bcad pa spel legs pa phul nas/ lo tsA slob tu 'gro bas brdzang bar zhu zhes zhus pa la/ bla ma dam pa'i zhal nas/ de lta bu'i blo skye ba bzang / gzhung lugs sar pa 'gyur ba'i nus pa 'ong ba dka' ste/ paNDi ta la slob gnyer dang dri gtugs legs par gyis shig kho bos kyang chos kyi rje bsten yun thung pas/ rje nyid kyis mdzad pa'i sdeb sbyor me