dang 'grel pa mang po yang mdzad nas bstan pa la bya ba rgya chen po mdzad pa yin no// de nyid la sgra dang / snyan ngag dang / sdeb sbyor dang / mngon brjod la sogs pa tha snyad kyi gtsug lag mang du mnyan cing / bka' dang bstan bcos mang po'ang thos la/ khyad par gyis dpal dus kyi 'khor lo'i rgyud 'grel pa dang bcas pa/ saM skr-i ta'i glegs bam gyi steng nas/ mkhas pa'i dbang po nyid kyis gsungs shing / kho bo'i shong 'gyur bkram nas/ 'gyur mi bcos su mi rung ba rnams la zhu chen yang zhus la/ sgra dang sdeb sbyor la sogs pa'i bshad pa saM skr-i ta'i steng nas dpyad dgos pa rnams legs par zhus shing / glegs bam la mchan bu'ang btab pa yin no// sgra dang / snyan ngag dang / sdeb sbyor dang / mngon brjod rnams la blo'i snang ba shar ba ni/ dam pa 'di nyid kho na'i mthu yin no// byang chub sems dpa' rdo rje snying pos mdzad pa'i kye'i rdo rje'i 'grel pa dang / nA ro 'grel chen gnyis dang / slob dpon chen po dpe med 'tsho dang / slob dpon ra wi shrIs mdzad pa'i sbyor ba yan lag drug gi man ngag rtsa 'grel rnams la yang / kho bos zhus nas/ zhu chen shin tu dag par mdzad pa yod la/ 'gyur stan yang kho bo la gnang nas yod do// yang chos rje 'jam gsar la/ bla ma rga los 'bro 'gyur lugs kyi bshad pa/ dbang gdams ngag rnams thob pas/ rga lo nas brgyud pa rnams la yang rwa 'bro gnyi ga'i lugs tshang bar bzhed do// yang / chos rje mngon grwa pa la/ kun mkhyen 'dzims pa rin shes gsan la/ de nyid dang bla ma rga lo gnyi ga la 'bro lugs rwa lugs kyi skor tshang bar dbus pa dge slong tshul khrims dar gyis zhus la/ de nyid la bla ma chen po dus 'khor ba ye shes rin chen gyis zhus pas/ lugs gnyi ga'i gdams pas brgyan pa yin no zhes bla ma dam pa yon tan rgya mtsho gsung ngo // yang / rje btsun man lung gu ru nas brgyud pa'i bshad bka' dang / gdams ngag rnams ni/ bla ma lo tsA ba grags pa rgyal mtshan/ bla ma grub pa dpal bzang po/ byang chub sems dpa' chen po rgyal ba ye shes/ chos rje yon tan rgya mtsho rnams las brgyud de thob po// lo tsA ba chen po shud kye nyid kyis bsgyur ba'i dus 'khor dang / paNDi ta mang po la gsan pa'i gtam rgyud/ zhal gdams rnams kyang chos rje 'di nyid las thob po// de ltar 'bro ba'i bla ma'i lo rgyus rnams ni/ bla ma yu mo'i gsung la/ sras dharma shwa ras zin ris su byas pa la/ nam mkha' 'od dang / grub thob se mo ches rgyas par mdzad pa bzhin bris shing / rwa lugs kyi lo rgyus rnams ni/ bla ma rga lo dang / bla ma ye shes rin chen pas mdzad pa bzhin bris la/ kho bo'i bla ma dam pa/ bka' bstan bcos du ma la dbang bsgyur ba lo tsA ba chen po mkhan chen bu ston zhabs kyis mdzad pa las kyang bris shing / shud kye lo tsA ba'i gsung la bla ma grub mchog pas zin bris mdzad pa las kyang bris so// gzhan rnams ni/ dpal ldan bla ma yon tan rgya mtsho pa dang / chos kyi rje chen po nyid dang / sgra bsgyur rnams kyi mchog 'jig rten gyi mig dam pa/ dpal ldan blo gros brtan pa'i gsung las 'byung ba bzhin dbri bsnan med par bris pa yin no// chos rje rin rtse dang / de nyid kyi ring lugs pa zhang rdo rje rin chen gyi slob ma'i thu bo/ bla ma 'jam dbyangs