spyod pa'i rgyud dang / rnal 'byor gyi rgyud dang / rnal 'byor chen po'i rgyud do//
(1)rgyud sde'i dbye ba spyir bshad pa/
de'ang dpal ldan rdo rje snying pos/ ji ltar rtsa ba'i rgyud du gsungs/ /dge slong rdo rje 'dzin pa'i gnas/ /gang de'ang cung zad bla ma ni/ /mnyes byed slob ma la brjod bya/ /bdag med mas zhus rdo rje can/ /ji lta'i rim pa bzhin du ni/ /bslab pa'i gzhi ni sbyin ched du/ /tshig ni 'di skad bka' stsal te/ /dang por bslab pa'i gzhi lnga rnams/ /gso sbyong sogs dang yang dag ldan/ /mi dge bcu po yongs spong ba/ /byin nas dge bsnyen nyid du bya/ /de nas bslab pa'i gzhi rnams ni/ /bcu po byin nas dge tshul bya/ /de nas ko Ti shi kSha bslab pa'i mthar thug ni/ /byin nas dge slong brtul zhugs bya/ /de nas so so thar shes nas/ /de nas bye brag smra ba'i lugs/ /de nas mdo sde shes byas nas/ /rnam shes smra ba rang chos las/ /de nas shes rab pha rol phyin/ /dgongs pa dbu ma shes bya ste/ /de ltar dman pa rnams la bya ba'i rgyud/ /bya min rnal 'byor de lhag la/ /sems can mchog la rnal 'byor mchog /rnal 'byor bla med de bas lhag/ ces gur las gsungs pa bzhin/ rgyud gzhan mnyan nas ni/ /de nas kye rdo rje shes bya/ /theg pa gsum gyi nges 'byung la/ /theg pa gcig gi 'bras bur gnas/ /nyan thos rang sangs rgyas dang 'dir/ /theg pa chen po gsum pa ste/ /sangs rgyas pa la bzhi pa dang / /lnga pa thub pa'i dgongs pa med// ces kye'i rdo rje'i 'grel par gsungs pa bzhin so so thar pa'i bslab pa dang ldan pas/ grub mtha' bzhi dang theg pa gsum la mkhas par bya ba ste/ de dag gi dgongs pa ma shes na dus las thams cad mkhyen pa'i lam las nyams par gsungs so// 'dis ni theg pa dgu'i rnam gzhag 'dod pa'ang bsal ba yin no//
(2)rnal 'byor rgyud bye brag tu bshad pa/
de ltar grub mtha' rnam pa bzhi'i nang nas dbu ma dang / theg pa gsum gyi nang nas theg pa chen po mchog yin pa bzhin du/ rgyud sde bzhi'i nang nas kyang rnal 'byor chen po mchog yin no// de'ang rtsa ba'i rgyud dang bsdus pa'i rgyud gnyis las/
1)rtsa ba'i rgyud/
dpal ldan 'bras phung du/ bcom ldan 'das nyid kyis rtsa ba'i rgyud ji ltar gsungs pa'i tshul dang / shambha la'i yul du 'phags pa 'jam dpal gyi sprul pa mi'i dbang po grags pa nyid kyis/ bsdus pa'i rgyud ji ltar bsdus pa'i tshul rnams ni 'grel pa chen po nyid du gsung bar 'gyur la/
1 shambha la nas 'phags yul du dar tshul/
shambha la'i yul nas 'phags pa'i yul du ji ltar dar ba'i tshul ni/
(1) 'bro lugs/
dus zhabs pa chen po/
'bro pa'i lugs kyis/ rigs ldan sengges chos ston pa'i dus su/ gshin rje gshed kyi rnal 'byor pa yab yum gnyis kyis rgyud nas 'byung ba bzhin/ rigs kyi sras bskrun pa'i cho ga byas pas/ khye'u zhig 'khrungs pa cher skyes pa dang / shambha la na byang chub sems dpa' dngos su chos ston pa yod pa thos nas/ chos nyan du byon pa na/ mya ngam gyi thang la zla ba bzhi 'gro dgos pas srog gi bar chad du 'gro bar rigs ldan gyi mngon par shes pa'i stobs kyis mkhyen nas mya ngam gyi thang thon par byon te/ bla na med pa'i rgyud sde rnams byang chub sems dpa'i 'grel pa skor gsum bzhin/ zla ba bzhi'i bar du gsungs pa