na bum pa gang byo'i tshul du mkhyen pas/ 'jam dpal gyi sprul pa yin par grags shing mtshan yang dus 'khor zhabs zhes grags so//
dus zhabs gnyis pa/
de dus dge slong blo shin tu rtul ba zhig gis shes rab 'phel bar 'dod pas 'dod pa'i lha la gsol ba btab pa las/ lhas rmi lam du bstan pa la brten te/ byi ru la lha mo ku ru kulle'i sku tshon gang pa byas te bud med kyi ro'i khar bcug nas/ rgyab tu dkyil mo krung bcas nas zhag bdun bsgrub pas kha gyen du phyogs te/ ci 'dod ces zer ba la mthong tshad zin par 'dod byas kyang grub pa yin pa la/ sems zhum pa'i dbang gis bris zin tshad zin par 'dod do zhes smras pas/ de ltar gyur cig ces byung ba tsam gyi mod la de ltar grub pa paNDi ta ngag gi dbang phyug grags pa zhes bya ba/ kha sar pa Ni'i gtsug lag khang du gnas pa de yis/ slob dpon dus 'khor zhabs la rgyud du shes dris pa la/ slob dpon gyis lan gsungs pas rgyud kyi mtshan tsam yang bzung bar ma nus skad/ de nyid la slob ma mang du byung ba las phal cher rnal 'byor par gyur/ bshad pa'i srol 'dzin pa rgyal sras nA lendra pa dus 'khor zhabs gnyis pa zhes grags pa de nyid/ snga ma'i yon tan dang mtshungs pa yin no//
paN chen zla ba mgon po/
de'i dus su kha cher bram ze zhig gi bu/ so ma nA tha zhes bya ba/ blo shin tu rno ba zhig byung bas yab mu stegs pa yin pas de'i gzhung lugs rnams lo bcu gnyis la mkhyen/ yum sangs rgyas pa yin pas nga'i chos lugs kyang slob dgos zhes zer nas/ kha che bram ze zhabs zhes bya ba'i paNDi ta la chos slob tu bcug go// so ma nA tha de gzugs shin tu mdzes pas/ paNDi ta'i sras mo na re nga dang lhan cig 'grogs te chos nyan dgos zer ba la/ de ltar khas blangs nas chos mang po gsan no// de dus su dus zhabs pa chen po'i slob ma dul ba'i 'byung gnas blo gros kyis dbang mdor bstan dang dbang rab byed kyi glegs bam/ bram ze zhabs la bskur byung ba zla ba mgon po la bstan te gzigs pas/ shin tu mos nas ma ga dhAr byon pas dus 'khor zhabs rnam gnyis dang mjal nas/ byang chub sems dpa'i 'grel pa skor gsum cha lag dang bcas pa rdzogs par zhus so// de yi dus su paNDi ta kha che rin chen rdo rje dang rtsod pas/ zla ba mgon po rgyal ba la/ rin chen rdo rje'i gsung gis nga la slob ma mi dad par 'ong bas khyed gzhan du byon gsungs te/ bod yul du byon nas kha rag tu gnyos lo tsA ba la babs/ 'grel pa dri ma med pa'i 'od bsgyur ba/ gser srang brgya rdzongs bar chad pa las/ bar skabs su paNDi ta ma mnyes par 'gyur byed 'phro bsnams nas 'phan yul grab tu byon/ zhang pho chung bas bteg ste/ 'bro lo tsA ba shes rab grags kyis/ lo tsA mdzad nas 'grel chen yongs su rdzogs par bsgyur ro// gnyos kyis zhang pho chung ba la khyod kyis nga'i bla ma 'phrogs pa yin pas/ lba ba'i gseb tu nyungs dkar rtsang nge ba cig bya yis zhes phrin du bskur ba la/ khro bo brgya yis mtshon chas bsdigs kyang mi 'jigs la/ lha mo brgya'i 'dzum bstan yang mi chags pa yin no zhes gsungs nas zhabs thog yun ring du mdzad/ gnyos ston ye shes mchog gis gser srang bco brgyad phul/ grwa pa mngon shes kyis lo gsum du chos ston drangs shing / nam mjal dus phyag rten ma chad par mdzad/