[A:235]
ldan sa skya pa zhes dpyod ldan la/ /grags pa don ldan bstan pa rgyas gyur cig /khyad par gsang chen lam gyi kha 'babs bzhi/ /'phags bod paN grub drin las 'dir thob gang / /rgyun mi 'chad phyir lhag bsam khur blangs pa'i/ /ngal ba 'bras bcas bstan la sman gyur cig /lta spyod cho ga rnam par dag lam nas/ /skal bzang su dag rnam grol la 'khrid cing / /mkhas tshul gsum gyis rgyal bstan nges skyong ba/ /rnam 'dren mchog rnams zhabs pad brtan gyur cig yongs rdzogs bstan dang khyad par rdo rje'i theg /gdul bya spyi dang snyigs ma'i skye rgu la/ /phan mdzad phrin las nyi zla'i snang ba can/ /sngon byon skyes chen dgongs pa rdzogs gyur cig /gsang ba mchog 'di'i bka' yi bsdu ba'i srol/ /thog mar btod pa mkhan chen thams cad mkhyen/ /byams pa kun dga' bstan pa'i rgyal mtshan gyi/ /thugs bskyed bzhed don ji bzhin skong gyur cig /mkhyen brtse'i dkyil 'khor kun la snyoms pa'i klong / /zab rgyas gdams pa gtan pa med 'jo bas/ /ring nas re ba yid bzhin rdzogs mdzad pa/ /'jam dbyangs bla ma dgyes pa'i dpyid gyur cig /rdo rje'i lus mchog bskyed dang g.yo ba'i blo/ /dge la rnal du 'god pa'i bshes gnyen sogs/ /gnas skabs mthar thug phan pa'i grogs bgyid pa'i/ /'brel thogs sku bzhi'i sa la 'god gyur cig /yangs pa'i ljongs kun bde skyid rdzogs ldan gyi/ /dga' ston dpal la rtag tu rol bzhin par/ /dam pa'i lam du zhugs las rtsod pa dang / /'tshe ba kun bral chos bzhin spyod gyur cig /bdag kyang bstan la gus pa'i bsam sbyor rigs/ /grub pa de srid 'tsho ba bzang pos 'byor/ /