[A:236]
bka' drin gsum bdag dpal ldan bla ma rnams/ /mnyes pa'i sgrub la smon pa 'grub gyur cig /de ltar mngon 'dod don kun 'grub pa dang / /khyad par rdo rje'i bka' rnams gsal bsdus pa'i/ /phrin las spel la mthu ldan srung ma'i tshogs/ /rgyal bas gnyer du gtad pa don yod mdzod/ /sangs rgyas dkon mchog mchod dang bsnyen bkur dam chos dkon mchog klog dang sgrub/ /dge 'dun dkon mchog phyogs mthar dar rgyas rin chen gsum gyi mnga' thang dpal/ /'jig rten dge ba'i skyabs kyi gdugs bzang mngon mthor brtan pas khebs pa'i 'og /phan bde'i grib bsil khor yug yangs par rtag tu legs gnas bkra shis shog /ces dkyil 'khor rgya mtsho'i rdo rje'i slob dpon chen po mnyam pa med pa'i thugs rje mnga' ba rnams kyi bka' drin las/ rdo rje'i theg pa'i rgyud sde rin po che rtsod pa dang bral ba 'di dag gi bka' srol rnam par dag pa'i rgyun bzhugs so 'tshal bsod nams kyi skal bar nos pa yid bzhin nor bu brgya stong lag tu thob pas dper bya mi bzod pa'i dad 'dun lhag bsam chud ma zos par gyur pa'i spro ba ches cher 'phel ba dang 'phrel/ bstan par sman du re zhing don du gnyer ba'i skye bo mchog rnams la thog ma'i smin grol gyi sgo 'phang rdzogs par dbye ba'i skabs/ mkhyen rab kyi dbang phyug hor dge 'phel sprul pa'i sku rin po che snyan grags bstan pa'i dbang phyug dang / nang chen skyil tsha bla ma bslab gsum nor 'chang tshul khrims dbang phyug dpon slob nas brgyud pa'i yi ge khog bsgrigs gnang 'dug pa la/ lam 'dir rtsol ba chen po'i khur len pa po 'jam dbyangs blo gter dbang pos rang nor rang gces kyi tshul du dpyad cing zhus te rjes