[A:3]
gshegs pa kun la rab tu btud/ /sde snod rgyud sde'i lam srol gsal byed pa'i/ /blo ldan paNDi ta dang grub pa'i dbang / /'phags pa'i zhabs sen bkod pa'i yul ljongs su/ /ji snyed byon pa'i rnam thar dran bzhin 'dud/ /gangs ljongs mig gcig thugs rje'i brtul zhugs gyis/ /lung rtogs snang ba 'dren pa'i lo paN dang / /chos rgyal bstan pa'i rtsa lag gyur kun gyi/ /bka' drin dad pa'i snod du shor bar dka'/ /khyad par gsang chen rdo rje'i rgyud zab mo/ /'chad dang bsgrub pa'i bka' babs gang dag las/ 'khrul pa spangs pa'i lam gyi shing rta pa/ /dpal ldan sa skya'i 'jam dbyangs rnams la 'dud/ sdug bsngal zhi byed bdud rtsi'i lto khengs pa'i/ /grub pa'i bum bzang dam pa sangs rgyas dang / /mkha' 'gro'i zhal gyi gdams pas mchog brnyes pa/ /khyung po brgyud par bcas la yid rab gus/ /