དཔེ་སྐྲུན་གསལ་བཤད།
༼ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད།༽ འདིའི་མཇུག་བྱང་དུ་བརྩམས་པའི་དུས་མི་གསལ་ཡང༌། ཉང་བན་ཉི་མ་འོད་ཟེར་གྱི་སྐུ་ཚེའི་སྨད་ཙམ་ལ་ཡིན་པ་ཆོས་འབྱུང་ཞིབ་ཏུ་བཀླགས་པས་ཤེས་ཐུབ། དེས་ན་དུས་རབས་བཅུ་གཉིས་པའི་ནང་བརྩམས་པ་ཞིག་ཡིན་ཞིང༌། ཆོས་འབྱུང་འདི་ལ་ཐུན་མོང་མིན་པའི་ཁྱད་ཆོས་འགའ་ཞིག་ཡོད་པའི་དང་པོ། བོད་ཀྱི་ཆོས་འབྱུང་གྲགས་ཆེ་བ་ཕལ་མོ་ཚེའི་ཆེས་སྔ་རོལ་ཏུ་བྱུང་བ་ཞིག་ཡིན་པ་དཔེར་ན། ཡར་རྗེ་ཨོ་རྒྱན་གླིང་པས་གཏེར་ནས་བཏོན་པའི་ ༼བཀའ་ཐང་སྡེ་ལྔ༽ དང་ ༼པད་མ་བཀའ་ཐང་༽ ༼བུ་སྟོན་ཆོས་འབྱུང་༽ ༼རྒྱལ་རབས་གསལ་བའི་མེ་ལོང་༽ ཚལ་པའི་ ༼དེབ་ཐེར་དམར་པོ་༽ ཀུན་མཁྱེན་ཀློང་ཆེན་རབ་འབྱམས་ཀྱི་༼ཆོས་འབྱུང་རིན་པོ་ཆེའི་གཏེར་མཛོད་༽ སྤྱན་སྔ་དོན་དཔལ་གྱི་ ༼ཆོས་འབྱུང་བསྟན་པ་རིན་པོ་ཆེའི་གསལ་བྱེད་༽ འགོས་ལོ་གཞོན་ནུ་དཔལ་གྱི་ ༼དེབ་ཐེར་སྔོན་པོ་༽ ས་ཆེན་ཀུན་དགའ་རྒྱལ་མཚན་ ༼བཀའ་གདམས་ཆོས་འབྱུང་ཆེན་མོ་མཁས་པའི་ཡིད་འཕྲོག༽ པཎ་ཆེན་བསོད་ནམས་གྲགས་པའི་ ༼དགའ་ལྡན་ཆོས་འབྱུང་༽ ཇོ་ནང་ཏཱ་ར་ནཱ་ཐའི་ ༼རྒྱ་གར་ཆོས་འབྱུང་༽ སྟག་ལུང་ཞབས་དྲུང་ངག་དབང་རྣམ་རྒྱལ་གྱི་ ༼སྟག་ལུང་ཆོས་འབྱུང་༽ དུས་མཆོད་བླ་བྲང་པ་ཨ་མེས་ངག་དབང་ཀུན་དགའ་བསོད་ནམས་ཀྱི་ ༼ས་སྐྱའི་གདུང་རབས་རིན་ཆེན་བང་མཛོད་༽ ཕན་བདེ་ཤཱཀྱ་ལྷ་དབང་གི་ ༼ཞལ་སྔ་བཀའ་བརྒྱུད་ཀྱི་ཆོས་འབྱུང་༽ ༸རྒྱལ་དབང་ལྔ་པའི་ ༼དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས་༽ སུམ་པ་མཁན་ཆེན་གྱི་ ༼ཆོས་འབྱུང་དཔག་བསམ་ལྗོན་བཟང་༽ ཐུའུ་བཀྭན་ཆོས་ཀྱི་ཉི་མའི་ ༼གྲུབ་མཐའ་ཤེལ་གྱི་མེ་ལོང་༽ བཙན་པོ་འཇམ་དཔལ་ཆོས་ཀྱི་བསྟན་འཛིན་འཕྲིན་ལས་ཀྱི་ ༼འཛམ་གླིང་རྒྱས་བཤད་༽ བྲག་སྒོམ་པ་བསྟན་པ་རབ་རྒྱས་ཀྱི་ ༼མདོ་སྨད་ཆོས་འབྱུང་དེབ་ཐེར་རྒྱ་མཚོ་༽ བཅས་དེ་ལྟར་གོང་དུ་མཚན་སྨོས་པའི་ཆོས་འབྱུང་དང་རྒྱལ་རབས་དེ་དག་ནི་བོད་དུ་གྲགས་ཆེ་བ་ཁག་གཅིག་ཡིན་པ་ལས། ཉང་རལ་འདས་རྗེས་བརྩམས་པའི་ཆོས་འབྱུང་དང་ལོ་རྒྱུས་ད་དུང་ཤིན་ཏུ་མང་པོ་ཞིག་ཡོད་པ་འདིར་བཀོད་མེད། འགའ་ཞིག་གིས་ཉང་གི་ཆོས་འབྱུང་བརྩམས་པའི་དུས་སྔ་བ་དང༌། དེ་རྙིང་ཁུངས་ཤིག་ཡིན་པར་བཟང་བའི་ཁྱད་ཆོས་གང་དང་གང་ཡོད་སྙམ་ན་དེ་ནི་ད་ལྟ་འཛམ་གླིང་གི་ལོ་རྒྱུས་ཞིབ་འཇུག་མཁན་ཡོད་དོ་ཅོག་གིས་ཀྱང་ལོ་རྒྱུས་ལ་ཞིབ་འཇུག་བྱེད་སྐབས་འདས་པའི་ལོ་རྒྱུས་ལ་ཞིབ་འཇུག་བྱེད་པ་ལས། མ་འོངས་པའི་ལོ་རྒྱུས་ཞེས་པ་ཞིག་ག་ལ་ཡོད། འདས་པའི་ལོ་རྒྱུས་ལའང་ཅི་ཙམ་རྙིང་པའི་ལོ་རྒྱུས་ལ་མཐོང་ཆེན་དུ་བརྩི་བ་ཡིན། དཔེར་ན། ལོ་བརྒྱ་སྟོང་མང་པོའི་གོང་གི་དངོས་རྫས་རྫ་ཆག་དམ་དུམ་རེ་རྙེད་ཀྱང་དེ་ཆག་ཁ་བསྒྲིགས་ཏེ་རིན་ཐང་དང་ལྡན་པ་ཞིག་ཏུ་བརྩི་བ་ནི་རྙིང་པ་ཀུན་བྱིན་རླབས་ཆེ་བར་བརྩི་བ་མིན་ཞིང༌། དངོས་རྫས་དེ་ཚོར་ཞིབ་འཇུག་བྱས་ཏེ་སྐབས་དེའི་མིའི་ལག་རྩལ་སོགས་རིག་གནས་དང་སྤྱི་ཚོགས་ལ་ཞིབ་འཇུག་བྱས་ཏེ་སྐབས་དེའི་མིའི་ལག་རྩལ་སོགས་རིག་གནས་དང་སྤྱི་ཚོགས་ལ་ཞིབ་འཇུག་བྱེད་པའི་ཆེད་དུ་རེད། རང་རེ་བོད་ཀྱི་ལོ་རྒྱུས་ལ་ཆ་བཞག་ནའང༌། ལོ་ངོ་སྟོང་ལྷག་གི་གོང་ནས་བྱུང་བའི་རིག་རིགས་མང་པོ་ཞིག་ཏུན་ཧོང་ཞེས་པའི་ས་འོག་ནས་ཐོན་པ་ལ་རྒྱལ་ཁབ་ཕྱི་ནང་གི་རྒྱུ་མཚན་ཤེས་མཁན་ཀུན་གྱིས་ཆེས་རིན་ཐང་ལྡན་པ་ཞིག་ཏུ་བརྩི་བ་རེད། དེའི་རྒྱུ་མཚན་ཡང་སྐབས་དེའི་བོད་ཀྱི་སྤྱི་ཚོགས་ཧྲིལ་པོའི་ལོ་རྒྱུས་ལ་ཞིབ་འཇུག་བྱེད་པའི་ཆེད་དུ་ཡིན་པས། སྤྱིར་ནའང་རྡོའི་ལག་ཆ་དང༌། རུས་པ་དང༌། རྫ་ཆག་དམ་དུམ་ལ་བརྟེན་ནས་ཞིབ་འཇུག་བྱེད་པ་ལས་ཡིག་རིགས་ལ་བརྟེན་ན་ཞིབ་འཇུག་བྱེད་བདེ་བ་ནི་ཤོད་མ་དགོས་པ་རེད། དེས་ན་ཉང་གི་ཆོས་འབྱུང་འདིའང་མི་ལོ་བརྒྱད་བརྒྱ་ལྷག་གི་གོང་ནས་བྱུང་བའི་བོད་ཀྱི་ལོ་རྒྱུས་རྙིང་ཁུངས་ཤིག་ཡིན་པས་དེ་ལ་ཁྱད་ཆོས་བླ་ན་མེད་པ་ཞིག་ཡོད་པ་ཤོད་ཅི་དགོས། ཁྱད་ཆོས་གཉིས་པ་ནི། ཁོང་གི་ཆོས་འབྱུང་ལ་རང་རེས་ཞིབ་ཏུ་བལྟས་ན་གྲུབ་མཐའི་ཕྱོགས་འཛིན་གྱི་སྐྱོན་གྱིས་ལོ་རྒྱུས་བསླད་མེད་པ་དེ་གསལ་པོ་མཐོང་ཐུབ། དེའི་རྒྱུ་མཚན་ནི་སྐབས་དེའི་བོད་ཀྱི་ལོ་རྒྱུས་ནི་བོད་སིལ་བུར་གྱུར་ཏེ།
༼ཆོས་འབྱུང་མེ་ཏོག་སྙིང་པོ་སྦྲང་རྩིའི་བཅུད།༽ འདིའི་མཇུག་བྱང་དུ་བརྩམས་པའི་དུས་མི་གསལ་ཡང༌། ཉང་བན་ཉི་མ་འོད་ཟེར་གྱི་སྐུ་ཚེའི་སྨད་ཙམ་ལ་ཡིན་པ་ཆོས་འབྱུང་ཞིབ་ཏུ་བཀླགས་པས་ཤེས་ཐུབ། དེས་ན་དུས་རབས་བཅུ་གཉིས་པའི་ནང་བརྩམས་པ་ཞིག་ཡིན་ཞིང༌། ཆོས་འབྱུང་འདི་ལ་ཐུན་མོང་མིན་པའི་ཁྱད་ཆོས་འགའ་ཞིག་ཡོད་པའི་དང་པོ། བོད་ཀྱི་ཆོས་འབྱུང་གྲགས་ཆེ་བ་ཕལ་མོ་ཚེའི་ཆེས་སྔ་རོལ་ཏུ་བྱུང་བ་ཞིག་ཡིན་པ་དཔེར་ན། ཡར་རྗེ་ཨོ་རྒྱན་གླིང་པས་གཏེར་ནས་བཏོན་པའི་ ༼བཀའ་ཐང་སྡེ་ལྔ༽ དང་ ༼པད་མ་བཀའ་ཐང་༽ ༼བུ་སྟོན་ཆོས་འབྱུང་༽ ༼རྒྱལ་རབས་གསལ་བའི་མེ་ལོང་༽ ཚལ་པའི་ ༼དེབ་ཐེར་དམར་པོ་༽ ཀུན་མཁྱེན་ཀློང་ཆེན་རབ་འབྱམས་ཀྱི་༼ཆོས་འབྱུང་རིན་པོ་ཆེའི་གཏེར་མཛོད་༽ སྤྱན་སྔ་དོན་དཔལ་གྱི་ ༼ཆོས་འབྱུང་བསྟན་པ་རིན་པོ་ཆེའི་གསལ་བྱེད་༽ འགོས་ལོ་གཞོན་ནུ་དཔལ་གྱི་ ༼དེབ་ཐེར་སྔོན་པོ་༽ ས་ཆེན་ཀུན་དགའ་རྒྱལ་མཚན་ ༼བཀའ་གདམས་ཆོས་འབྱུང་ཆེན་མོ་མཁས་པའི་ཡིད་འཕྲོག༽ པཎ་ཆེན་བསོད་ནམས་གྲགས་པའི་ ༼དགའ་ལྡན་ཆོས་འབྱུང་༽ ཇོ་ནང་ཏཱ་ར་ནཱ་ཐའི་ ༼རྒྱ་གར་ཆོས་འབྱུང་༽ སྟག་ལུང་ཞབས་དྲུང་ངག་དབང་རྣམ་རྒྱལ་གྱི་ ༼སྟག་ལུང་ཆོས་འབྱུང་༽ དུས་མཆོད་བླ་བྲང་པ་ཨ་མེས་ངག་དབང་ཀུན་དགའ་བསོད་ནམས་ཀྱི་ ༼ས་སྐྱའི་གདུང་རབས་རིན་ཆེན་བང་མཛོད་༽ ཕན་བདེ་ཤཱཀྱ་ལྷ་དབང་གི་ ༼ཞལ་སྔ་བཀའ་བརྒྱུད་ཀྱི་ཆོས་འབྱུང་༽ ༸རྒྱལ་དབང་ལྔ་པའི་ ༼དེབ་ཐེར་དཔྱིད་ཀྱི་རྒྱལ་མོའི་གླུ་དབྱངས་༽ སུམ་པ་མཁན་ཆེན་གྱི་ ༼ཆོས་འབྱུང་དཔག་བསམ་ལྗོན་བཟང་༽ ཐུའུ་བཀྭན་ཆོས་ཀྱི་ཉི་མའི་ ༼གྲུབ་མཐའ་ཤེལ་གྱི་མེ་ལོང་༽ བཙན་པོ་འཇམ་དཔལ་ཆོས་ཀྱི་བསྟན་འཛིན་འཕྲིན་ལས་ཀྱི་ ༼འཛམ་གླིང་རྒྱས་བཤད་༽ བྲག་སྒོམ་པ་བསྟན་པ་རབ་རྒྱས་ཀྱི་ ༼མདོ་སྨད་ཆོས་འབྱུང་དེབ་ཐེར་རྒྱ་མཚོ་༽ བཅས་དེ་ལྟར་གོང་དུ་མཚན་སྨོས་པའི་ཆོས་འབྱུང་དང་རྒྱལ་རབས་དེ་དག་ནི་བོད་དུ་གྲགས་ཆེ་བ་ཁག་གཅིག་ཡིན་པ་ལས། ཉང་རལ་འདས་རྗེས་བརྩམས་པའི་ཆོས་འབྱུང་དང་ལོ་རྒྱུས་ད་དུང་ཤིན་ཏུ་མང་པོ་ཞིག་ཡོད་པ་འདིར་བཀོད་མེད། འགའ་ཞིག་གིས་ཉང་གི་ཆོས་འབྱུང་བརྩམས་པའི་དུས་སྔ་བ་དང༌། དེ་རྙིང་ཁུངས་ཤིག་ཡིན་པར་བཟང་བའི་ཁྱད་ཆོས་གང་དང་གང་ཡོད་སྙམ་ན་དེ་ནི་ད་ལྟ་འཛམ་གླིང་གི་ལོ་རྒྱུས་ཞིབ་འཇུག་མཁན་ཡོད་དོ་ཅོག་གིས་ཀྱང་ལོ་རྒྱུས་ལ་ཞིབ་འཇུག་བྱེད་སྐབས་འདས་པའི་ལོ་རྒྱུས་ལ་ཞིབ་འཇུག་བྱེད་པ་ལས། མ་འོངས་པའི་ལོ་རྒྱུས་ཞེས་པ་ཞིག་ག་ལ་ཡོད། འདས་པའི་ལོ་རྒྱུས་ལའང་ཅི་ཙམ་རྙིང་པའི་ལོ་རྒྱུས་ལ་མཐོང་ཆེན་དུ་བརྩི་བ་ཡིན། དཔེར་ན། ལོ་བརྒྱ་སྟོང་མང་པོའི་གོང་གི་དངོས་རྫས་རྫ་ཆག་དམ་དུམ་རེ་རྙེད་ཀྱང་དེ་ཆག་ཁ་བསྒྲིགས་ཏེ་རིན་ཐང་དང་ལྡན་པ་ཞིག་ཏུ་བརྩི་བ་ནི་རྙིང་པ་ཀུན་བྱིན་རླབས་ཆེ་བར་བརྩི་བ་མིན་ཞིང༌། དངོས་རྫས་དེ་ཚོར་ཞིབ་འཇུག་བྱས་ཏེ་སྐབས་དེའི་མིའི་ལག་རྩལ་སོགས་རིག་གནས་དང་སྤྱི་ཚོགས་ལ་ཞིབ་འཇུག་བྱས་ཏེ་སྐབས་དེའི་མིའི་ལག་རྩལ་སོགས་རིག་གནས་དང་སྤྱི་ཚོགས་ལ་ཞིབ་འཇུག་བྱེད་པའི་ཆེད་དུ་རེད། རང་རེ་བོད་ཀྱི་ལོ་རྒྱུས་ལ་ཆ་བཞག་ནའང༌། ལོ་ངོ་སྟོང་ལྷག་གི་གོང་ནས་བྱུང་བའི་རིག་རིགས་མང་པོ་ཞིག་ཏུན་ཧོང་ཞེས་པའི་ས་འོག་ནས་ཐོན་པ་ལ་རྒྱལ་ཁབ་ཕྱི་ནང་གི་རྒྱུ་མཚན་ཤེས་མཁན་ཀུན་གྱིས་ཆེས་རིན་ཐང་ལྡན་པ་ཞིག་ཏུ་བརྩི་བ་རེད། དེའི་རྒྱུ་མཚན་ཡང་སྐབས་དེའི་བོད་ཀྱི་སྤྱི་ཚོགས་ཧྲིལ་པོའི་ལོ་རྒྱུས་ལ་ཞིབ་འཇུག་བྱེད་པའི་ཆེད་དུ་ཡིན་པས། སྤྱིར་ནའང་རྡོའི་ལག་ཆ་དང༌། རུས་པ་དང༌། རྫ་ཆག་དམ་དུམ་ལ་བརྟེན་ནས་ཞིབ་འཇུག་བྱེད་པ་ལས་ཡིག་རིགས་ལ་བརྟེན་ན་ཞིབ་འཇུག་བྱེད་བདེ་བ་ནི་ཤོད་མ་དགོས་པ་རེད། དེས་ན་ཉང་གི་ཆོས་འབྱུང་འདིའང་མི་ལོ་བརྒྱད་བརྒྱ་ལྷག་གི་གོང་ནས་བྱུང་བའི་བོད་ཀྱི་ལོ་རྒྱུས་རྙིང་ཁུངས་ཤིག་ཡིན་པས་དེ་ལ་ཁྱད་ཆོས་བླ་ན་མེད་པ་ཞིག་ཡོད་པ་ཤོད་ཅི་དགོས། ཁྱད་ཆོས་གཉིས་པ་ནི། ཁོང་གི་ཆོས་འབྱུང་ལ་རང་རེས་ཞིབ་ཏུ་བལྟས་ན་གྲུབ་མཐའི་ཕྱོགས་འཛིན་གྱི་སྐྱོན་གྱིས་ལོ་རྒྱུས་བསླད་མེད་པ་དེ་གསལ་པོ་མཐོང་ཐུབ། དེའི་རྒྱུ་མཚན་ནི་སྐབས་དེའི་བོད་ཀྱི་ལོ་རྒྱུས་ནི་བོད་སིལ་བུར་གྱུར་ཏེ།