/rtogs pas ma rig sangs te ye shes spangs/ /'tha' bral rten med chos kyi ngang / /ma bsgrubs 'bras bu rang byung mchog /me ni ye shes 'od gsal ba/ /rnam rtog mtshan ma rang sar bsreg /rang sar grol ba chos nyid yin/ /hUM ni thugs kyi snying po ste/ /chos nyid rtogs pa ma sbas gsal/ /rang byung ye shes 'gyur med gnas/ /bram ze'i khye'u khyod kyis sems can gyi don rgya chen po 'grub par 'gyur ro/ /gsungs nas bka' rdzogs pa chen po bram ze skor du grags pa gsungs so/ /de nas bram ze'i khye'u brag phug lha zhal can bya bar sgom zhing sgrub pas brag de shel gyi mchod rten rdo rjes brgyan pa zhig tu gyur nas/ bram ze'i khye'u lus ma bor bar phung po lhag med du mkha' spyod du gshegs so/ /brag shel gyi mchod rten de la sus skor ba lan gsum byas na ngan song gsum du mi 'gro ste/ byang chub kyi lam du zhugs par 'gyur la bram ze'i khye'u ni 'phags pa spyan ras gzigs kyi sprul pa yin pas sems can thams cad la thugs rjes dus drug tu 'gro ba'i don mdzad do/ /thugs rang byon du byon pa'i lo rgyus so/ /gsung rang byon du ji ltar byon pa'i lo rgyus ni/ de yang yang dag par rdzogs pa'i sangs rgyas kyis lung bstan pa la/ 'phags pa klu sgrub nyid/ lang kar gshegs pa'i mdo las/ so so rang rig ye shes ni/ /rtog ge rnams kyi ma yin te/ /phyi ma'i dus su gyur pa na/ /bstan pa su yis 'dzin par 'gyur/ /tshul gnas 'dzin par gyur pa ni/ /blo gros chen pos khyod byos shig /bde gshegs mya ngan 'das gyur nas/ /lo ni nyis brgya lon pa na/ /lho phyogs bhe ta'i yul du ni/ /dge slong dpal ldan zhes grags pa/ /de min klu zhes 'bod pa ni/ /yod dang med kyi mtha' rdzogs shing / /nga yi bstan pa 'jig rten 'dir/ /bla med theg pa theg pa rab bstan nas/ /bde ba can du de 'gro'o/ /zhes gsungs so/ /'phags pa sprin chen po'i mdo las/ li tsa byi gzhon nu sems can thams cad kyis mthong na dga' ba 'di/ nga mya ngan las 'das pa'i 'og dge slong klu zhes bya bar bzung nas nga'i bstan pa rgyas par byas te/ rim gyis 'jig rten gyi khams dwangs pa'i 'od ces bya bar de bzhin gshegs pa ye shes 'byung gnas 'od ces bya bar mngon par rdzogs par sangs rgya'o/ /zhes lung bstan to/ /rngo bo che'i mdo las kyang bstan/ 'jam dpal rtsa rgyud chen po las/ de bzhin gshegs pa mya ngan las 'das nas/ lo ni bzhi brgya lon pa na/ /dge slong klu zhes 'bod pa 'byung / /bstan pa la ni dad cing phan/ /rab tu dga' ba'i sa thob nas/ /lo ni drug brgya dag tu 'tsho/ /rig pa rma bya chen mo yang / /bdag nyid chen po de yis grub/ /bstan bcos don ni mata' dag dang / /skye ba med pa'i don yang rig /de nas mthar gyis sangs rgyas nyid/ /kho na thob par 'gyur gsungs so/ /zhes so/ /yang mdo sde sku gsung thugs kyi sgron me bltams pa zhes bya ba sku gsung thugs kyi gsang ba bsam gyis mi khyab pa zhes bya ba nas/ 'dzam bu'i gling gi rgyan lung bstan/ /nyi ma zla ba lta bu ru/ /sangs rgyas bstan pa gsal byed pa/ /'jig rten khams 'dir 'dzam bu yi/ /gling gi rgyan drug 'byung bar 'gyur/ /gnyis kyis sangs rgyas bstan pa bsrungs/ /gnyis kyis yid ches lung don 'grol/ /gnyis kyis thugs kyi sgron me lham/ /gnyis ni rgyud pa'i slob dpon te/ /gnyis