smin par byas pas/ sprul sku mchog gi snang ba 'char ba de ni/ 'jig rten gyi khams rgya mtsho zhes bshad do/ /de 'dra ba bsam gyis mi khyab cing ches bsam gyis mi khyab pa/ 'jam dpal gyis kyang bgrang ba'i grangs las 'das pa de thams cad nang du tshud pa'i zhing khams chen po zhig yod de/ de ni 'og min stug po bkod pa'i zhing khams zhes bya ba yin no/ /de yang rdo rje rtse mo'i rgyud las 'di skad bshad/ 'og min stug po nyams dga' ba/ /'jig dang chags pa las grol zhing / /mtha' dang dbus kyang med pa la/ /ye shes snang ba'i zhing khams yin/ /zhes gsungs so/ /de ni longs spyod rdzogs pa'i sku'i zhing khams so/ /bcom ldan 'das rnam par snang mdzad gangs chen mtsho zhes bya ba de ni ye shes kyi sku/ zhal kun tu zhal thal le ba/ phyogs gang nas bltas kyang mdun rgyab tu bya ba med pa/ mtshan dang dpe byad kyis brgyan pa/ sa bcu'i byang chub sems dpa' rnams thams cad kyis yid la ji ltar bsam pa bzhin du snang ba/ de rnams la theg pa chen po'i chos rgyun mi chad par gsungs/ zag med pa'i chos dang / 'dod yon phun sum tshogs pa la longs spyod pa de ni/ longs spyod rdzogs pa'i sku zhes bya ba'o/ /zhing khams de na sprul sku rab 'bring gsum gyis gang la ci 'dul de la der ston pa'ang yin no/ /stong gsum gyi stong chen po mi mjed 'jig rten gyi khams shAkya thub pa'i zhing khams 'di gang na yod ce na/ mdo sde sangs rgyas phal po che las/ 'og min stug po bkod pa'i zhing khams de na/ rig byed bzhi/ nges brjod dang / mchod sbyin dang / srid srung dang / snyan ngag gi rig byed/ de la tshangs pa de nyid ston par byed pa'am/ rtogs par marjod pa'am/ lha mchod pa'i cho ga'am/ ma rung pa 'dul ba'i mthu/ ngan sngags dang / rdzas sbyor la sogs pa/ rig pa'i gnas lnga ni/ sgra rig pa/ gtan tshigs rig pa/ gso ba rig pa/ bzo rig pa/ nang rig pa
(ste/ thun mong dang)
thun mong ma yin pa'i chos darnams so/ /bkra shis kyi tshigs su bcad pa la sogs pa'o/ /'jig rten gyi khams gsum ste/ stong spyi phud dang / stong gnyis pa bar ma dang / stong gsum gyi stong chen po'o/ /'og min stug po bkod pa'i zhing de na/ 'jig rten khams rgya mtsho la sogs pa bsam gyis mi khyab pa yod do/ /bye brag tu de bzhin gshegs pa rnam par snang mdzad de'i sku'i ba spu'i bu ga thams cad na/ zhing khams mi 'dra ba na sems can gyi don mdzad do/ /de'i ba spu'i bu ga gyen du lta ba thams cad 'jig rten gyi khams mnyam pa zhes bya ste/ sangs rgya byon nas sems can gyi don mdzad de/ yas mar bltas pas rgya deb brtsegs pa lta bu'o/ /ba spu'i bu ga bltas na za 'og gi gur khang lta bu'o/ /ba spu'i bu ga thur la bltas pa ni/ gan log gi 'jig rten gyi khams zhes bya ste/ sems can rang rang lus dang mnyam par sprul nas sems can gyi don mdzad do/ /rnam par snang mdzad kyi phyag mnyam bzhag gi mthil na lhung bzed chen po zhig yod pa la/ de'i nang na spos chu'i rgya mtsho zab mtha' yas pa zes bya ba yod de phyir lhung bzed kyi rdul dang / chu'i rdul la brten pa la yang / 'jig rten gyi khams bsam gyi mi khyab pa yod pa la/ khyad par du/ byang chub sems dpa'i gzugs dang kha dog snang ba zhes bya ba'i yid bzhin gyi nor bu rin