po che yod do/ /de'i phan tshun yan man na yang 'jig rten gyi khams bsam gyis mi khyab pa yod pa las yid bzhin gyi nor bu rin po che de'i rtse mo la rgya mtsho gcig yod/ de'i dkyil na gzhi dang snying po me tog gis brgyan pa yod/ de na stong gsum bsam gyis mi khyab yod pa las de'i dbus stong gsum gyi stong chen po nyi shu rtsa lnga brtsegs pa zhig yod pa'i bcu gnyis mar bzhag bcu gnyis yar bzhag pa'i dbus de stong gsum gyi stong chen po mi mjed 'jig rten gyi khams shAkya thub pa'i zhing khams 'di yin no/ /sprul sku 'dus pa'i zhing khams chags lugs ni/ dang po nam mkha' stong pa la sems can gyi las kyi rlung gis rdul phran dal bus 'khrigs pa las/ rlung gi dkyil 'khor rngams su 'bum phrag bcu drug pa/ rgyar grangs med pa/ sred med kyi bus rdo rjes bshig par mi nus la/ rdo rje rgya gram gyi rnam par chags pa/ de'i steng du sems can rnams kyi las kyi stobs kyis/ sprin gser gyi snying po can las char gyi rgyun gnya' shing tsam babs pa las chu'i dkyil 'khor de bas cung zhig chung ba dkar la zlum pa chags so/ /de rlung gis bsrubs pa las chu'i rngams cung zad bri nas steng du gser gyi sa gzhi 'o ma'i spris ma lta bu chags te/ de'i steng du khams sna tshogasacan gyi sprin las/ glang po che'i pho mtshan gyi chu tsam gyi char babs pas phyi'i rgya mtsho chen po chags so/ /de'i steng du gser gyi pad mo 'dab ma stong dang ldan pa zhig byung ste/ gnas gtsang ma'i lha'i bu rnams kyis bltas pas bskal pa 'di la sangs rgyas stong 'byung ba'i ltas su shes te/ e ma bskal pa 'di ni bzang po gcig ces bsgrags pas/ bskal pa bzang po zhes ming du grags so/ chu de srid pa'i rlung gis dkrugs shing bsrubs pas ri rgyal mchog rab/ gser gyi ri bdun/ rol pa'i mtsho bdun/ gling bzhi/ gling phran brgyad/ lcags ri nag po mu khyud dang bcas pa bye ba phrag brgya chags so/ /de la gling bzhi pa 'di ni bcom pa dang ldan pa zhes bya la/ 'di'i shar phyogs na gling bzhi pa shin tu srung ba dang / lhago na bzod par dka' ba dang / nub na bsnyen dang ldan pa dang / byang na seng ge yod pa dang / byang shar na rnam par brtsegs pa dang / shar lho na dga' ba dang / lho nub tu snying po dam pa dang / nub byang na bzang po zhes bya ba yod do/ /de la gling bzhi pa stong la ni/ stong chung yin la/ stong chung ngu stong la ni stong gnyis pa bar ma'o/ /stong bar ma stong lani/ stong gsum gyi stong chen po'o/ /phyi snod kyi 'jig rten mas kyis chags/ nang bcud kyi sems can yas bas kyis chags te yar 'phel mar 'griban ni snying rje pad ma dkar po las/ 'phags pa dkon mchog gsum spyir sangs rgyas 'jig rten du 'byung ba sgron ma'i bskal pa dang / mi 'byung ba sems can las mar ngan rags pa'i rgyu las mun pa'i bskal pa gnyis res mos kyis 'byung bar gsungs pas/ bskal pa bzang po'i mdo las/ bskal pa bzang po la sangs rgyas stong 'byung ba 'di rdzogs pa'i 'og tu sangs rgyas med pa'i mun pa'i bskal pa drug cu rtsa gnyis 'byung ba la/ de la rang sangs rgyas bye ba phrag 'bum 'byung ngo / /de nas sangs rgyas bdun 'byung ngo / /de'i 'og tu 'jig rten gyi khams 'di mdon par dang ba zhes bya bar gyur nas 'phags pa klu sgrub