nas/ chab srid rgya che bas yab kyi zhal chems dkar dmar dang mthun par 'bangs kyi tshis bgyid par dgongs nas/ bla'i mchod gnas rab tu byung ba'i mnga' thang dang / chos 'khor stod smad kyi zhabs thog yab kyi srol bzhin dung mdzad/ rgyal po de'i sku ring la/ yi ge mkhan po tshe spongs byang chub ces bya ba byung ste/ rje la yi ge'i stangs phul pas/ sbur nag bal gyis btums pa 'dra ba gcig byung / rje'i dbu rten gyi 'og tu sbas te bsnams nas mdo khams smad du spyugs te/ khams yig tu grags so/ /brag dmar bsams yas lhun gyis grub pa'i lha khang du/ sangs rgyas kyi dus mchod chen po bzhi btsugs te/ bod kyi rje blon yongs kyi 'phral gyi rkyen bzlog pa dang / yun gyi tshogs gsog pa'i sa mdzad/ mchod rten chen po bzhi'i gzugs dang / dbu rtse'i bya 'dab lcags thag gis sbrel nas nam mkha' la dar po che dang 'phan gyis bres/ sa gzhi man ji gling gi mdangs dang / gser dngul gyi phor pas bkang / dbu rtse'i thang mchod rdzas kyis khengs par bgyis nas/ bla'i mchod gnas rab tu byung ba rnams kyis mdo chog mang po mdzad/ sngags btsun rnams kyis rdo rje dbyings kyi dkyil 'khor zhal phye nas/ mchod pa phun sum tshogs pa phul/ lcags ri'i byang ngos kyi phyogs bzhi nas 'bangs rgyan dang bcas pa mchod rdzas dang bcas te rtse bro sna tshogs byed/ gar dang / seng ge dang / 'bag dang / rgya rta dang / glu dang / gzhas dang / shon dang / bro byed/ la la rta rgyug 'phongs dang / tshabs dang / kha tshon smra'o/ /btsan pos dbu rtse'i sgo khang nas/ seng ge'i khri steng nas mchod pa phul bas thugs dad pa skyes nas dbu thod dang dar zab kyi na bza' phud nas lha la 'bul/ de nas btsan po'i zhal nas/ nga'i yab kyi thugs dam gyi lha khang la/ khyed bod 'bangs thams cad kyis go ru dang mtshon cha ma gtogs pa dad gus ka?s mchod pa'i rdzas phul cig gsungs nas bka' bstsal/ 'bangs thams cad kyis rje'i bka' bzhin du bzhin du mchod rdzas mang po phul bas/ kha cig gis g.yu dang / ber/ gser dngul zangs lcags/ dar zab sna tshogs kyi gos/ kha cig med pos kyang ras slog dang gos zas gang yod 'bul ba phul bas/ mchod rdzas kyi phung po chen po rnams dkon gnyer ba bskos pa kun gyis bsdus nas mchod pa byed do/ /rgyu bzang ngan byung bas btsan po'i zhal nas khyed 'bangs rnams dad pa che chung khyad par re che ba la las gser dngul 'bul nus/ la las ras slog dang gos hrul las 'bul mi nus pa gsungs pas/ mi ltogs phongs pa kun na re/ rje gcig lags/ ngos cag dad pa chung ba ma lags te/ yod pa gser dngul/ med po dbul rgyu de las ma 'byor/ dbul rgyu che ba kun longs spyod che ba lags so/ /zhes snyan du gsol bas rgyal po'i zhal nas/ kye ma nga'i mnga' ris su/ la las zas skom tsam yang ma 'byor/ la las lhag pa dang bcas 'di mi rigs pas gsungs nas/ ru bzhi phyogs phyogs su las pa dang / pho nya khrims sdom pa btang nas/ bkres phyug med par phyug ltogs yo byad thams cad mnyam por bgos nas snyoms por byas so/ /de nas mngon par byang chub pa'i zla ba'i sa ga nam mthong che chung sa ri
(sa ga sa ri nam mthong che chung la)
'dul ba'i mchod pa bgyid de/ zhing pa kun thong po bor nas rmon pa dang rol du thong gshol