ldem me bzhag nas mchod pa la yong ngo / /lha sa dang bsam yas kyis chog zer/ de dus su sngar bzhin mchod rdzas phul ba la dngos po bzang ngan byung bas/ yang bkres po dang phyug po nor lan gcig bsnyams so/ /de tshul 'dzugs kyi zla ba la chos kyi 'khor lo bskor bas/ mdo sde'i mchod pa bgyis te zhing pa kun yur ma'i gral bshig nas/ sngo snod rdos mnan nas mchod pa byed du 'ongs pas yur ma chag zer ro/ /yang sngar bzhin mchod rdzas la bzang ngan byung bas yang bkres phyug lan gcig bsnyams so/ /de nas ston zla tha chung cho 'phrul rta'i zla ba la/ chos 'phrul chung ba zer te/ mngon pa'i mchod pa bgyis te/ yang mchod rdzas la bzang ngan byung bas/ sems can rang rang so so'i bsags rgyab tu mkhyen te dgongs nas/ bod khams su ltogs phyug lan gsum bsnyams/ sa 'tsho ba dang mgron du rgyu ba dang kun la rgyags phye lam du skyel mi dgos/ bla nas sbyar ro/ /sems can gyi srog gcod pa dang / rku ba la sogs pas 'tsho ba sgrub mi dgos par bod bde ba la bkod pas/ sras mu ne btsan po'i sku drin che ba lags so/ /de nas pho yongs bza' rgyal mo btsun yab rgyal po'i thugs la 'dogs pas yab 'da' khar pho yongs bza' lha sras kyis khab tu bzhais shig ces bka' bstsal pas/ lha sras gsum la tshe spongs bza' me tog sgrol ma rangs te/ yab sku gshegs pa'-i 'og tu/ tshe spongs bzas/ pho yongs bza' 'grong bar bya bsam pas/ pho yongs bza' skra gsar bgyis nas rgyan ma thogs par gda' ba de la snyad byas nas/ ral gri rdeg snyam pa dang / sras mu ne btsan pos g.yon bskor nas/ yum tshe spongs bza' glo ba la gcags pas blon po te gu ste chung bya ba phyag tshang du bskos nas pho brang yum bu mkhar du sras la kha zas ngan pa drangs te/ lha sras mu ne btsan pos rgyal srid zla ba bcu gnyis mdzad nas dgung lo nyi shu rtsa bdun pa la sku 'das so/ /bang so skye'u ldem bur brtsigs/ tshe spongs bzas pho yongs bza' la mu ne btsan po'i ral gri btsal nas nyin re la shags sgo re btab cing sen mos sha srang re bcad cing dkrongs so/ /de nas mu tig btsan po mon na spyugs te yod pa khong la dbang bskur bar chad byas te spyan drangs pa dang / sna nam pas 'di byed na zer te/ mu tig btsan po'i brang kha phye nas dkrongs so/ bang so rgya bo zang zang du brtsigs so/ /de nas 'bangs yongs bgros bgyis te/ gcung po khri lde btsan dbang bskur bar byas te/ kha cig na re/ rgyal bu nar ma son 'bangs kyi tshis mu yong / de bas lan gcig la blon po mdzangs pa gcig bskos te/ khrims bu chung bca' 'o zer/ kha cig na re/ de mi yong / sngon yang mes ag tshom 'ongs pa'i dus su/ rgyal bu nar ma son nas/ zhang blon gsum la khrims gtad nas khrims bu chung byas nas lha chos bsnubs pas bod phung bar byas/ gyod kha chen po la gtugs pas da rgyal por rab dbang bskur te blon po mdzangs pa bskos nas 'bangs cos dang mthun par bskyangs pa legs zer bas/ rgyal bu yong ngam mi yong sad par kha 'chams nas dgung lo nyi shu rtsa bzhi la rgyal sar dbang bskur nas srid gtad pas sad pa bzhin legs par byung nas/ rgyal po sad na legs bya ba 'jing pa yo la sku dbang che bas bla dwags sad na legs 'jing yon zhes grags/ rgyal po de'i sku ring la yi ge'i