mkhan po 'bri yon tan zhes bya ba byung ste/ rje la yi ge stangs su phul bas/ nya rting dkar chu nas bton pa 'dra ba zhig byung ste/ gung blon rnams kyi g.yar dam du bzang bzang rjes rtsis dang bsnyen bkur ba ni/ dbu ston/ gzhung ston/ tha ston/ za srung / zla ston/ skra 'khrud chu ston/ za 'degs/ bya dga'i ston mo dpag tu med do/ /rgyal bu de na tshod du son nas/ btsun mo pho yongs bza' lha btsun bya ba dang / 'bro bza' mang po lha rgyal khab tu bzhes te/ 'bro khri bzung blon por bskos te/ rgyal po de'i zhal nas/ 'dzam bu gling na rgyal po che/ bod kyi rgyal po la nga che bas/ nga lag ris lha khang nyi ma rgya ji tsam yod dris pas/ nyi ma la dpag tshad lnga bcu tsam yod pas/ bod kyi sa gzhi la mi shong gsungs pas/ 'o na zla ba tsam zhig byed do gsungs/ skar dga'i ltas la ni/ nabs so la sogs pa'i skar ma che ba rnams dpag tshad gnyis so/ /skar phran rnams la rgyang grags te/ grangs ni dung phyur gnyis/ bye ba phrag brgyad/ sa ya phrag lnga'o zhes so/ /byang 'brog yangs par rtsig go gsungs so/ /blon po kun gyis mchid nas/ bla blon kun gyis longs spyod dbus su byed pas/ byang du brtsigs na lha khang stong par lus so zhes gsol bas/ 'o na nyang ror rtsig go gsungs pas/ de yang thugs gcig byed par brtsigs phul/ rgyal sder skar chung tsam zhig rtsig par chad byas nas/ skar chung rdo rje dbyings kyi lha khang bzhengs su gsol lo/ /rgyang grags gcig yod pa de rmang brus pa dang / bzo bo rnams kyis khengs dregs byas te/ rtsig pa mkhan po na re/ nga'i rtsig pa med na gang yang byar mi gtub pas nga gtso che zer/ lder bzo mkhan po na re/ nga'i lha bzo med na de dag gang byas kyang lha khang mi 'byung bas nga gtso che zer nas/ dang po ko ba btsos nas lder bzo 'phrul 'khor du bzhengs su gsol/ de nas ka ba btsugs bskor bas rgya phigs bkal/ de nas phyi tha la rtsig pa bgyis pas gtsug lag khang khyad par 'phags pa grub pa lags/ rgyal po des yab mes kyis srol kha ma shor bar mdzad do/ yab mes kyi thugs dam kun zhig ral gso ba dang / rgyan btags pa dang / mchod pa 'bul ba dang / lha sa'i khyams phra mo bzhengs pa la sogs pa phyag rjes mang po mdzad do/ /rab tu byung ba'i mnga' thang bstod/ me pho khyi lo la sku 'khrungs/ lo sum cu rtsa gcig rgyal po mdzad/ 'bangs chab srid chos bzhin bskyangs/ lnga bcu rtsa bzhi me bya la dgung du gshegs pa'i rgyal po de bod la bka' drin che ba lags so/ /rgyal po de la lha sras lnga byung ste/ khri gtsug lde ral pa can/ lha sras gtsang ma/ khri dar ma 'u dam btsan/ lha rje lhun grub/ khri chen 'de'u dang lnga 'khrungs so/ /de la gcen gsang ba'i bdag po phyag na rdo rja'i sprul pa khri gtsug lde btsan mnga' bdag ral pa can/ chu mo 'brug la 'khrungs/ dgung lo bcu gnyis lon pa dang / me bya'i lo la rgyal sar btod/ dbang bskur nas chab srid gtad do/ /cog lo bza' dpal gyi ngang tshul ma dang / mchims bza' khyung dkar ma dang / sna nam bza' a rje pho legs/ tshe spong bza' lhun gyi bu mo/ lha lung bza' me tog ma dang lnga khab tu bzhes so/ /sbas mang rje lha 'od kyis blon po byas/ ban chen po dpal gyi yon tan gyis